ປ່ຽນວິກິດໃຫ້ເປັນໂອກາດ..! ອາເເຈັກ ເປີດຮ້ານອາຫານໃນສະໜາມໂຢຮັນຄຣາບ ອາຣີນາ

ຖືວ່າສີ້ນສຸດການລໍຄອຍຂອງແຟນບານ, ກັບໄອເດຍສຸດປະທັບໃຈທີ່ໃຫ້ແຟນບານເຂົ້າມາໃຊ້ບໍລິການຮ້ານອາຫານຫລູໃນສະໜາມແຂ່ງຂັນຂອງສະໂມສອນອາແຈັກ ອຳສະເຕີດຳ ສະໂມສອນດັງໃນປະເທດໂຮງລັງ, ພ້ອມກັບວິວບັນຍາກາດມີ່ເປັນສະໜາມຫຍ້າ ແລະ ທີ່ນັ່ງຂອງກອງເຊຍໃນສະໜາມ ໂຢຮັນ ຄຣາບ.

ໂດຍຮ້ານອາຫານດັ່ງກ່າວທີ່ເຂົ້າມາປຸງແຕ່ງອາຫານໃຫ້ຄັ້ງນີ້ຄືຮ້ານ Langs de Lijn  ເຊີ່ງແຟນບານຈະໄດ້ຮັບປະທານອາຫານທີ່ແຊບ,ລວມໄປເຖີງໄດ້ຊົມວິວບັນຍາກາດແບບຕິດຂອບສະໜາມ ແລະ ຍັງສາມາດເຂົ້າຊົມຫ້ອງແຕ່ງຕົວຂອງນັກກີລາໄດ້ອີກດ້ວຍ, ພ້ອມດຽວກັນນັ້ນການແຂ່ງຂັນສຶກເອເຣດິວິຊີ ລີກ ຖືກປະກາດຍົກເລີກການແຂ່ງຂັນລະດູການນີ້ຢ່າງເປັນທາງການແລ້ວ ຈາກວິກິດໄວຣັສໂຄວິດ-19 ຕັ້ງແຕ່ຊ່ວງເດືອນເມສາທີ່ຜ່ານມານີ້ ໂດຍຈະບໍ່ມີທີມໃດໄດ້ເເຊ້ມ ແລະ ຕົກຊັ້ນ, ດ້ວຍເຫດການນີ້ທາງສະໂມສອນດັ່ງກ່າວຈຶ່ງຫັນປ່ຽນຈາກສະໜາມການແຂ່ງຂັນບານເຕະ ໃຫ້ກາຍມາເປັນຮ້ານອາຫານສຸດຫລູໃຫ້ແຟນບານໄດ້ເຂົ້າມາໃຊ້ບໍລິການ.