ຈີນເປີດຫ້ອງການສຳນັກງານ ຄວາມໝັ້ນຄົງຢູ່ ຮົງກົງ

ວັນທີ 8 ກໍລະກົດນີ້, ຈີນໄດ້ເປີດຫ້ອງການສຳນັກງານຄວາມໝັ້ນຄົງແຫ່ງຊາດຂອງຕົນຢ່າງເປັນທາງການຢູ່ທີ່ ຮົງກົງ.

“ໃນສອງສາມປີຕໍ່ໜ້ານີ້, ໂຮງແຮມຫຼັງນີ້ຈະກາຍເປັນສຳນັກງານໃຫ່ຍຄວາມໝັ້ນຄົງແຫ່ງຊາດ. ແຕ່ບັນດາເຈົ້າໜ້າທີ່ຄວາມໝັ້ນຄົງຈະບໍ່ປະຈຳການຢູ່ໃນໂຮງແຮມຫຼັງດັ່ງກ່າວ ແຕ່ຫາກຈະຖືກວາງກຳລັງໄວ້ທາງນອກ ເພື່ອປົກປັກຮັກສາໂຮງແຮມບໍ່ໃຫ້ມີບັນຫາໃດໆເກີດຂຶ້ນ” Sputnik ອ້າງອີງຄຳເວົ້າຈາກແຫຼ່ງຂ່າວທີ່ບໍ່ອອກຊື່ແຫ່ງໜຶ່ງ.

ສຳນັກຂ່າວຊິນຫົວ ໃຫ້ຮູ້ວ່າ: ຫ້ອງການນີ້ຈະເຮັດໜ້າທີ່ວິເຄາະ ແລະ ຕີລາຄາບັນຫາທີ່ພົວພັນເຖິງຄວາມໝັ້ນຄົງແຫ່ງຊາດໃນຮົງກົງ, ຈາກນັ້ນ ວາງແຜນຍຸດທະສາດທີ່ສຳຄັນໃນການທີ່ປ້ອງກັນຄວາມສະຫງົບໃນຮົງກົງ.

ຫ້ອງການດັ່ງກ່າວ ເປີດຂຶ້ນໃນທ່າມກາງທີ່ສະພາແຫ່ງຊາດຈີນໄດ້ມີມະຕິເປັນເອກກະສັນຜ່ານຮ່າງກົດໝາຍຄວາມໝັ້ນຄົງແຫ່ງຊາດສະບັບໃໝ່ ເພື່ອບັງຄັບໃຊ້ໃນຮົງກົງ ຫວ່າງອາທິດຫຼັງຜ່ານມານີ້.

ຂ່າວ: ລູກເມືອງພວນ(ແຫຼ່ງຂ່າວ vietnamnet)