ເມືອງ ອູຮັ່ນ ສູນກາງການລະບາດພະຍາດໂຄວິດ-19 ຈົມຢູ່ໃຕ້ນໍ້າ
ເມືອງ ອູຮັ່ນ ມົນທົນ ຫູເປີຍ ຈີນ, ເມື່ອວັນທີ 6 ກໍລະກົດ ໄດ້ຍົກລະດັບການເຕືອນໄພຂຶ້ນເປັນລະດັບສູງສຸດ ໃນທ່າມກາງຫຼາຍບ່ອນໃນແຂວງຖືກຈົມຢູ່ໃຕ້ນໍ້າ.
ສຳນັກຂ່າວສານ ຊິນຫົວ ໃຫ້ຮູ້ວ່າ: ຝົນຕົກໜັກເປັນຫຼາຍວັນໃນ ອູຮັ່ນ ໄດ້ເຮັດໃຫ້ປະລິມານນໍ້າສູງເຖິງ 250mm ໃນມື້ວັນທີ 5-6 ກໍລະກົດຜ່ານມາ. ເສັ້ນທາງຫຼາຍສາຍຈົມຢູ່ໃຕ້ນໍ້າທັງໝົດ, ປະລິມານນໍ້າສູງກວ່າລະດັບເຕືອນໄພ.
ສູນພະຍາກອນອາກາດ ເມືອງ ອູຮັ່ນ ໃຫ້ຮູ້ວ່າ ສະພາບຝົນຕົກໜັກຍັງຈະສືບຕໍ່ໄປອີກຫຼາຍວັນຂ້າງໜ້າ. ອົງກອນຄວບຄຸມໄພພິບັດນໍ້າຖ້ວມ ແລະ ແຫ້ງແລ້ງ ຂອງເມືອງ ອູຮັ່ນ ໄດ້ປະກາດຍົກລະດັບການຕໍ່ຕ້ານໄພນໍ້າຖ້ວມຈາກລະດັບ 3 ເປັນລະດັບ 2 ໃນ 4 ລະດັບຂັ້ນຂອງການຮັບມືສຸກເສີນ.
ສຳນັກຂ່າວ ຊິນຫົວ ໃຫ້ຮູ້ວ່າ: ປັດຈຸບັນຝົນຕົກໜັກເຮັດໃຫ້ເກີດໄພນໍ້າຖ້ວມເປັນບໍລິເວນກວ້າງ, ທຳລາຍຊັບສິນຂອງປະຊາຊົນຫຼາຍທ້ອງຖິ່ນໃນຈີນ, ສົ່ງຜົນກະທົບຕໍ່ການດຳລົງຊີວິດຂອງປະຊາຊົນຫຼາຍລ້ານຄົນ ແລະ ສ້າງຄວາມເສຍຫາຍທາງເສດຖະກິດຢ່າງໜັກໜ່ວງ. ບັນດາແຂວງເຊັ່ນ: ຫູເປີຍ, ອັ່ນຮຸຍ, ຫູໜານ ໄດ້ເພີ່ມມາດຕະການຮັບມືກັບໄພນໍ້າຖ້ວມໃນຄັ້ງນີ້ຢ່າງໜັກ.
ຂ່າວ: ລູກເມືອງພວນ(ແຫຼ່ງຂ່າວ vietnamnet)
