ອີຣານ ປະກາດເຈລະຈາ “ຂໍ້ຕົກລົງຍຸດທະສາດ 25 ປີ” ກັບຈີນ

ວັນທີ 5 ກໍລະກົດນີ້, ລັດຖະມົນຕີການຕ່າງປະເທດ ອີຣານ Mohammad Javad Zarif ປະກາດວ່າ ເຕເຣຣານ ກຳລັງເຈລະຈາຂໍ້ຕົກລົງ 25 ປີກັບຈີນ ແລະ ຈະມີການປະກາດຢ່າງເປັນທາງການ ພາຍຫຼັງການເຈລະຈາສຳເລັດ.

ເມື່ອມີຄຳເຫັນຕໍ່ສະພາ, ລັດຖະມົນຕີການຕ່າງປະເທດ Zarif ໃຫ້ຮູ້ວ່າ: “ດ້ວຍຄວາມເຊື່ອໝັ້ນ ແລະ ໄວ້ວາງໃຈ, ພວກເຮົາກຳລັງເຈລະຈາຂໍ້ຕົກລົງຍຸດທະສາດ 25 ປີ” ກັບຈີນ ຊຶ່ງເປັນຄູ່ຮ່ວມມືການຄ້າລະດັບຕົ້ນໆ ຂອງ ອີຣານ. ຈີນຍັງເປັນຕະຫຼາດຕົ້ນຕໍ ການສົ່ງອອກນໍ້າມັນດິບຂອງອີຣານຕື່ມອີກ. ແຕ່ບັນຫາດັ່ງກ່າວຖືກສະງັກງັນລົງຍ້ອນການລົງໂທດຂອງສະຫະລັດ ພາຍຫຼັງ ວໍຊິງຕັນຖອນຕົວອອກຈາກຂໍ້ຕົກລົງນິວເຄຣຍ ກັບ ອີຣານໃນປີ 2018.

ທ່ານ Zarif ໃຫ້ຮູ້ວ່າ: “ເມື່ອໃດຂໍ້ຕົກລົງໄດ້ລົງລາຍເຊັນແລ້ວ” ຈະປະກາດໃຫ້ທົ່ວທັງປະເທດໄດ້ຮັບຊາບ.

ຂ່າວ: ລູກເມືອງພວນ(ແຫຼ່ງຂ່າວ baoquocte)