ເກີດເຫດດີນເຈື່ອນ ນ້ຳຖ້ວມ ຢີ່ປຸ່ນ ພົບຜູ້ເສຍຊີວິດຢ່າງ ໜ້ອຍ 16 ຄົນເຈົ້າໜ້າທີ່ກຳລັງຊອກຫາຜູ້ສູນຫາຍຢ່າງຮີບດ່ວນ.

ສະຖານະການຄວາມຮຸນແຮງຂອງໄພນໍ້າຖ້ວມແລະດິນເຈື່ອນທີ່ເກີດຈາກພາຍຸລົມແຮງໃນແຂວງ Kumamoto ແລະ Kagoshima ເກາະ Kyushu ປະເທດຢີ່ປຸ່ນ ເບິ່ງຄືວ່າຍັງບໍ່ທັນຫລຸດລົງເທື່ອ ໂດຍສຳນັກຂ່າວ AFP ລາຍງານສະພາບການຫຼ້າສຸດໃນມື້ນີ້ (ວັນທີ 5 ກໍລະກົດ) ເຈົ້າໜ້າທີ່ ໄດ້ພົບຜູ້ເສຍຊີວິດ 16 ຄົນ ແລະ ອີກ 20 ຄົນແມ່ນ ໃນອາການສາຫັດ ເຊີ່ງທີ່ເຈົ້າ ໜ້າທີ່ຍັງສືບຕໍ່ຄົ້ນຫາຜູ້ສູນຫາຍຕື່ມອີກຢ່າງເຕັມທີ່
ນ້ ຳຖ້ວມຢ່າງໜັກໃນເມືອງ Kumamoto ແລະ Kagoshima ເຮັດໃຫ້ເກີດຄວາມເສຍຫາຍຕໍ່ເຮືອນຊານ, ພາຫະນະ ແລະຊັບສິນຂອງປະຊາຊົນ ຂົວຫລາຍບ່ອນຫັກ ເຫັດໃຫ້ເກີດຄວາມຫຍຸ້ງຍາກໃນການຊ່ວຍເຫລືອ

ຂະຫນະນີ້ ທາງການຢີ່ປຸ່ນ ກຳລັງຮີບຮ້ອນຍາຍປະຊາຊົນທີ່ອາໃສໃນພື້ນທີ່ຖືກນຳ້ຖ້ວມ ປະມານ 200 000 ຄົນໄປຢູ່ທີ່ພັກຊົ່ວຄາວເປັນທີ່ຮຽບຮ້ອຍແລ້ວ ແຕ່ກໍ່ຍັງໃຫ້ຄວາມສຳຄັນໃນມາດຕະການເວັ້ນໄລຍະຫ່າງ ເພື່ອປ້ອງກັນໂຄວິດ 19