ພາລາດຊະວັງມູນຄ່າ 64 ລ້ານໂດລາ ຂອງເສດຖີໄທ ຖືກໄຟໄໝ້ກ້ຽງເອີດເຕີດ
ສຳນັກຂ່າວ Daily Mail ໃຫ້ຮູ້ເມື່ອວັນທີ 1 ກໍລະກົດນີ້ວ່າ ພາລາດຊະວັງ ສຸກຂະວະດີ ທີ່ ອຳນາດຈະເລີນ ສ້າງຂຶ້ນໃນມູນຄ່າ 64 ລ້ານໂດລາ ຂອງເສດຖີໄທຄົນໜຶ່ງ ຖືກໄໝ້ຢ່າງຮາບກ້ຽງໃນມື້ທຳອິດເປີດປະຕູບໍລິການນັກທ່ອງທ່ຽວ ພາຍຫຼັງໂຄວິດ-19.ພະນັກງານທີ່ເຮັດວຽກຢູ່ໃນພາລາດຊະວັງໃຫ້ຮູ້ວ່າ ເຂົາໄດ້ຍິນສຽງລະເບີດຂຶ້ນຢ່າງແຮງ ແລະ ທັງມີໄຟລຸກຂຶ້ນພ້ອມ.
(ໜັງສືພິມ ລາວພັດທະນາ)
ເຫດເກີດຂຶ້ນໃນລະຫວ່າງ 10 ໂມງເຊົ້າຂອງວັນທີ 1 ກໍລະກົດ. ເສດຖີທີ່ມີຊື່ສຽງຂອງໄທ ຊື່ ປັນຢາ ໂຊຕິຕາວັນ(Panya Chotitawan) ເປັນເຈົ້າຂອງພາລາດຊະວັງຫຼັງດັ່ງກ່າວ.
ນອກຈາກຄ່າສິ້ນເປືອງໃນການກໍ່ສ້າງສູງເຖິງ 64 ລ້ານໂດລາແລ້ວ, ໃນພາລາດຂະວັງຍັງເຕັມໄປດ້ວຍສິ່ງຂອງວັດຖຸທີ່ມີຄ່າ.
ທັນທີ ເຈົ້າໜ້າທີ່ກູ້ໄພໄດ້ມີໜ້າຢູ່ສະໜາມເກີດເຫດ ແຕ່ກໍມີຄວາມຫຍຸ້ງຍາກໃນການມອດໄຟ ເພາະພາລາດຊະວັງກ້ວາງເກີນໄປ. ຕ້ອງເສຍເວລາ 4 ຊົ່ວໂມງຈຶ່ງສາມາດມອດໄຟໄດ້.
ພາບາດຂະວັງ ສຸກຂາວະດີ ສ້າງຂຶ້ນເມື່ອປີ 2000 ໂດຍເສດຖີ ປັນຢາ ໂຊຕິຕາວັນ ເປັນເຈົ້າຂອງບໍລິສັດປະລິດຕະພັນຊີ້ນໄກ່ແຊ່ແຂງທີ່ໃຫ່ຍທີ່ສຸດໃນໄທ.
ຂ່າວ: ລູກເມືອງພວນ(ແຫຼ່ງຂ່າວ tnthegioi24h)
(ໜັງສືພິມ ລາວພັດທະນາ)
