ທີມຊາດລາວ U-19 ສືບຕໍ່ຄັດເລືອກນັກກີລາທາງພາກເໜືອໃນທ້າຍອາທິດນີ້
ສະຫະພັນບານເຕະແຫ່ງຊາດລາວ ຂໍແຈ້ງມານັກກິລາ ຮຸ່ນອາຍຸບໍ່ເກີນ 19 ປີ ທີ່ຖືກຄັດເລືອກ ຈຳນວນ 19 ຄົນ ໃນຄັ້ງວັນທີ 11 – 12 ມັງກອນ 2020 ທີ່ຜ່ານມາ. ເຊິ່ງທາງ ສະຫະພັນບານເຕະແຫ່ງຊາດລາວ ຈະໄດ້ຄັດເລືອກຮອບທີສອງ ເຊິ່ງຈະມີຂຶ້ນໃນວັນທີ 03 – 04 ກໍລະກົດນີ້ເປັນຈໍານວນ 2 ມື້ ລາຍລະອຽດມີດັ່ງລຸ່ມນີ້:
ສໍາລັບ ວັນສຸກ 03 ກໍລະກົດ 2020 ເວລາ 15:30 – 17:30 ແລະ ວັນເສົາ 04 ກໍລະກົດ 2020 ເວລາ 08:00 – 11:30 ຢູ່ທີ່ສະຫນາມກິລາແຂວງຫລວງພະບາງ ( ບ້ານນາຫລວງ ນະຄອນຫລວງພະບາງ ) .
ຫມາຍເຫດ :
– ການຄັດເລືອກໃນຄັ້ງນີ້ ໂດຍແມ່ນ ທ່ານ Sundram Moorthy ຫົວຫນ້າຄູຝຶກທີມຊາດລາວ ຊຸດໃຫຍ່ ແລະ ທ່ານ V Selvaraj ຜູ້ຊ່ວຍຄູຝຶກ ທີມຊາດລາວ ຊຸດໃຫຍ່ ຊາວສິງກະໂປ ຈະເປັນຜູ້ຄັດເລືອກ.
– ນັກກິລາທີ່ເຂົ້າຮ່ວມຄັດເລືອກຕ້ອງກຽມຮ່າງກາຍໃຫ້ພ້ອມຕະຫລອດເວລາໃນການຄັດເລືອກ.
– ນັກກິລາທີ່ເຂົ້າຮ່ວມຄັດເລືອກຕ້ອງໃສ່ຖົງຕີນຍາວ ແລະ ກັນຫນ້າແຄ່ງ ຖ້າຫາກບໍ່ປະຕິບັດລະບຽບຈະບໍ່ອະນຸຍາດໃຫ້ຮ່ວມຄັດເລືອກ
– ຕິດຕໍ່ສອບຖາມຂໍ້ມູນເພີ່ມເຕີ້ມໄດ້ທີ່ເບີ : 020 54918322ຜູ້ທີ່ຜ່ານການຄັດເລືອກຮອບນີ້ແມ່ນຈະໄດ້ມາເກັບຕົວຝຶກຊ້ອມຢູ່ທີ່ ສະຫະພັນບານເຕະແຫ່ງຊາດລາວ.
ທີມຊາດລາວ ຮຸ່ນອາຍຸບໍ່ເກີນ 19 ປີ ມີລາຍການເຂົ້າຮ່ວມ ການແຂ່ງຂັນບານເຕະຊາຍ ຊີງແຊ້ມອາຊີ ຮຸ່ນອາຍຸບໍ່ເກີນ 19 ປີ ຈັດຂຶ້ນຢູ່ປະເທດອຸເບກິສຖານ AFC U-19 Championship Uzbekistan 2020 ຮອບສຸດທ້າຍ ຈັດຂຶ້ນໃນລະຫວ່າງວັນທີ 14 – 31 ຕຸລາ 2020.
ຂໍ້ມູນຂ່າວຈາກ: ສະຫະພັນບານເຕະແຫ່ງຊາດລາວ Lao Football Federation
