ຈີນ ຢຸດການອອກວີຊ່າໃຫ້ກັບຜູ້ຖືສັນຊາດ ສ.ອາເມລິກາ
ຕາມຂ່າວຈາກຈີນ, ທ່ານ ຈ້າວ ລີ່ຈຽນ, ໂຄສົກກະຊວງ ການຕ່າງປະເທດຈີນ ຖະແຫລງ ເມື່ອບໍ່ດົນມານີ້ວ່າ: ຈີນ ຈະຢຸດການອອກ ໜັງສືຜ່ານແດນ(ວີຊ່າ)ໃຫ້ກັບຜູ້ທີ່ຖື ສັນຊາດ ສ.ອາເມລິກາ ບາງຄົນ ທີ່ແຊກແຊງ ກິດຈະການ ພາຍໃນ ເຂດບໍລິຫານ ພິເສດ ຮົງກົງຂອງຈີນ ແລະ ເປັນການຕອບໂຕ້ຄືນ ທີ່ສ.ອາເມລິກາ ຢຸດການອອກວີຊ່າ ໃຫ້ກັບເຈົ້າໜ້າທີ່ ທາງການຈີນ ບາງຄົນເຂົ້າ ສ.ອາເມລິກາ. ຂະນະນີ້ ຈີນ ມີຄວາມຍຶດໝັ້ນ ປົກປ້ອງ ອະທິປະໄຕ ແລະ ຄວາມໝັ້ນຄົງ ຂອງຊາດ ລວມໄປເຖິງ ໃຫ້ຄວາມສົນໃຈ ໃນການພັດທະນາ ຕາມຫລັກການ ຂອງປະເທດຈີນ. ສຳລັບ ກົດໝາຍ ຄວາມໝັ້ນຄົງ ແຫ່ງຊາດ ຂອງເຂດບໍລິຫານ ພິເສດ ຮົງກົງ ເປັນເລື້ອງ ພາຍໃນຂອງຈີນ. ສ່ວນຕ່າງປະເທດ ບໍ່ມີສິດ ແຊກແຊງ ແລະ ຈີນ ຈະຕໍ່ຕ້ານ ຜູ້ລ່ວງລະເມີດ ກິດຈະການພາຍໃນ ເຂດບໍລິຫານພິເສດ ຮົງກົງຂອງຈີນ ຢ່າງເຂັ້ມແຂງ.
