ສານສະຫະລັດປະຕິເສດແຜນການຈ່າຍງົບ 2,5 ຕື້ ໂດລາເພື່ອສ້າງກຳແພງກັນຊາຍແດນຂອງ ທຣຳ
ວັນທີ 27 ມີຖຸນານີ້, Reuters ລາຍງານຂ່າວວ່າ ສານອຸທອນ ສະຫະລັດ ໄດ້ລົງມະຕິປະຕິເສດເຈດຕະນາລົມຂອງປະທານາທິບໍດີ ໂດນັລທຣຳ ທີ່ຢາກໂອນງົບຈຳນວນ 2,5 ຕື້ໂດລາໄປໃຫ້ກະຊວງປ້ອງກັນປະເທດ ເພື່ອກໍ່ສ້າງກຳແພງກັນຊາຍແດນກັບ ແມັກຊິກໂກ.
ຜູ້ພິພັກສາສານ 3 ຄົນຂອງສະຫະລັດໃນເຂດ 9 ໄດ້ລົງປະຕິ, ປາກົດວ່າ 2 ສຽງຂັດຄ້ານ ແລະ 1 ສຽງເຫັນພ້ອມ. ເປັນອັນວ່າ ທຳນຽບຂາວບໍ່ມີສິດທີ່ຈະໂອນງົບດັ່ງກ່າວໄປໃຫ້ ທຳນຽບ 5 ແຈໄດ້. ໃນສະຖານະການທີ່ສະພາປະຕິເສດການກະທຳດັ່ງກ່າວ ແລະ ທັງເຫັນວ່າ: “ບໍ່ມີຄວາມຕ້ອງການທາງການທະຫານໃດໆ ທີ່ຈະເກີດຂຶ້ນໂດຍບໍ່ໄດ້ຄິດໄລ່ໄວ້ກ່ອນ”.
ພ້ອມກັນນັ້ນສານກໍຍັງໄດ້ລົງຄະແນນສຽງໃຫ້ສອງລັດທີ່ມີຊາຍແດນຕິດຈອດກັບ ແມັກຊິກໂກເຊັ່ນ: ລັດ California ແລະ New Mexico ຊຶ່ງເປັນສອງທ້ອງຖິ່ນມີສິດຢ່າງຖືກຕ້ອງທີ່ຈະຟ້ອງທຳນຽບຂາວໄດ້.
ກ່ອນໜ້ານັ້ນ, ເດືອນ ກຸມພາ 2019 ທຣຳ ໄດ້ອອກຄຳສັ່ງສຸກເສີນລະດັບຊາດຢູ່ທີ່ຊາຍແດນກັບແມັກຊິກໂກວ່າ ຈະໄດ້ຮັບກ້ອນງົບປະມານດັ່ງກ່າວເພື່ອມາກໍ່ສ້າງກະແພງ.
ພາຍຫຼັງສານປະຕິເສດ, ກະຊວງຍຸຕິທຳກໍບໍ່ໄດ້ອອກມາວິພາກວິຈານແຕ່ຢ່າງໃດ. ປະທານສະພາຜູ້ແທນລາດຊະດອນຂອງສະຫະລັດ Nancy Pelosi ກໍສະໜັບສະໜູນການຂັດຄ້ານດັ່ງກ່າວທັນທີ ແລະ ເວົ້າວ່າ: “ນີ້ຄືໄຊຊະນະທີ່ຍິ່ງໃຫ່ຍທາງກົດໝາຍ”. ທ່ານກ່າວຫາ ທຣຳ ວ່າ ເຮັດໃຫ້ກຳລັງໃຈສູ້ຮົບຂອງເຫຼົ່າທັບທະຫານຫຼຸດລົງ ເພື່ອຈຸດປະສົງຫາສຽງໃນບັ້ນຮົບຊີງໄຊປະທານາທິບໍດີຂອງຕົນເອງ.
ຂ່າວ: ລູກເມືອງພວນ(ແຫຼ່ງຂ່າວ congan)
