ເຟສບຸກຈະໃຊ້ມາດຕະການເພ່ືອປ້ອງກັນ ບໍ່ໃຫ້ຖືກນຳໃຊ້ໂດຍຜູ້ກໍ່ການຮ້າຍ
ຫວ່າງມໍ່ໆນີ້, ເຟສບຸກ ເຊິ່ງ ເປັນສື່ສັງຄົມອອນລາຍອາເມລິກາ ກ່າວວ່າ: ສື່ສັງຄົມອອນລາຍບໍ່ຄວນກາຍເປັນບ່ອນທີ່ຜູ້ກໍ່ການຮ້າຍສະແດງຄວາມເຫັນ, ຂະນະທີ່ໄດ້ປະກາດມາດຕະການຂອງຕົນທີ່ໄດ້ເຮັດແນວໃດ ເພື່ອປ້ອງກັນບໍ່ໃຫ້ຖືກນຳໃຊ້ໂດຍຜູ້ກໍ່ການຮ້າຍ ໂດຍຜ່ານເຕັກນິກໃໝ່, ແຮງງານຂອງຄົນ ແລະ ການຮ່ວມມືກັບຕ່າງປະເທດ.
+ ອິນໂດເນເຊຍເພີ່ມການປ້ອງກັນຊາຍແດນຢ້ານ IS ແຊກຊຶມ
+ ກຸ່ມກໍ່ການຮ້າຍຂ້າຕັດຫົວຫົວໜ້າຕຳຫລວດ ຢູ່ເມືອງທາງພາກໃຕ້ຂອງຟີລິບປິນ
ໃນຫຼາຍປີມໍ່ໆມານີ້, ການໂຈມຕີແບບກໍ່ການຮ້າຍໄດ້ເກີດຂຶ້ນຢູ່ທຸກຫົນທຸກແຫ່ງຂອງໂລກໃນບາງຄັ້ງບາງຄາວ. ຈາກນີ້ຜູ້ຊ່ຽວຊານ ດ້ານຄວາມປອດໄພ ແລະ ອົງການຈັດຕັ້ງປະຊາຊົນໄດ້ຕິຕຽນສື່ສັງຄົມອອນລາຍທີ່ມີອິດທິພົນກວ້າງຂວາງຈຳນວນໜຶ່ງຖືກນຳໃຊ້ໂດຍຜູ້ກໍ່ການຮ້າຍ ເພື່ອດຳເນີນການໂຄສະນາ ແລະ ປະກາດຮັບສະໝັກສະມາຊິກຂອງຕົນ ເຊິ່ງເຟສບຸກທີ່ມີຜູ້ໃຊ້ເກືອບ 2 ຕື້ຄົນໃນໂລກນັ້ນກໍແມ່ນສື່ໜຶ່ງ.
ໂດຍແນໃສ່ຄວາມສົງໄສດັ່ງກ່າວ, ທ່ານນາງ ໂມນີກາ ບິເກີດ ຜູ້ອຳນວຍການໃຫຍ່ນະໂຍບາຍທົ່ວໂລກ ແລະ ທ່ານ ແປຣນ ຟິສມານ ຜູ້ອຳນວຍການນະໂຍບາຍຕ້ານການກໍ່ການຮ້າຍຂອງເຟສບຸກ ໄດ້ໃຫ້ຄຳຕອບໂດຍຜ່ານກະທູ້ຢູ່ເວບໄຊທາງການຂອງບໍລິສັດຕົນ ໂດຍກ່າວວ່າ: ເມື່ອບໍລິສັດຕົນປາກົດເຫັນວ່າຢູ່ໜ້າເຟສບຸກມີຜູ້ກໍ່ການຮ້າຍ ຫຼື ເນື້ອໃນທີ່ສະໜັບສະໜູນລັດທິກໍ່ການຮ້າຍ ກໍຈະຂອງລຶບຖິ້ມທັນທີ, ແຕ່ເຟສບຸກມີຜູ້ໃຊ້ເກືອບ 2 ຕື້ ຄົນທີ່ຕັ້ງກະທູ້ ແລະ ປະກອບຄຳເຫັນດ້ວຍ 80 ກວ່າພາສາຈາກແຫ່ງຕ່າງໆທົ່ວໂລກ ສົ່ງຜົນເຮັດໃຫ້ການຮັບປະກັນຄວາມປອດໄພນັ້ນກາຍເປັນສິ່ງທ້າທາຍອັນໃຫຍ່ຫຼວງ.
ພາຍໃຕ້ຄວາມກົດດັນທີ່ໂລກພາຍນອກຮຽກຮ້ອງໃຫ້ສື່ສັງຄົມອອນລາຍນຳໃຊ້ມາດຕະການເພື່ອໂຈມຕີການເຄື່ອນໄຫວແບບກໍ່ການຮ້າຍຫຼາຍກວ່າເກົ່າ, ທະວິດເຕີ (Twitter) ເຊິ່ງເປັນສື່ສັງຄົມອອນລາຍທີ່ມີອິດທິພົນໃຫຍ່ອີກສື່ໜຶ່ງຂອງອາເມລິກາກໍເຄີຍແນະນຳວຽກງານຕ້ານການກໍ່ການຮ້າຍຂອງຕົນ. ສຳລັບທະວິດເຕີແລ້ວມີຜູ້ໃຊ້ຫຼາຍກວ່າ 500 ລ້ານຄົນໃນໂລກ. ເດືອນສິງຫາ 2016 ກໍປະກາດວ່າ: ໃນປີທີ່ຜ່ານໄປນັ້ນ, ໄດ້ປິດ ID ຂອງຜູ້ໃຊ້ທີ່ໂຄສະນາຄວາມຮຸນແຮງ ແລະ ລັດທິກໍ່ການຮ້າຍນັ້ນ 3 ແສນ 6 ໝື່ນຄົນ, ໃນນັ້ນມີຫຼາຍຄົນກ່ຽວພັນກັບກຸ່ມ IS.
