ຜູ້ປະສົບໄພທຳມະຊາດຢູ່ເມືອງໂພນທອງ ໄດ້ຮັບເຂົ້າຊ່ວຍເຫຼືອແລ້ວ 15 ໂຕນ

ໃນວັນທີ 26 ມີຖຸນານີ້, ຫົວໜ້າພະແນກແຮງງານສະຫວັດດີການ ແລະ ສັງຄົມແຂວງ ໄດ້ນຳເອົາເຂົ້າສານ ຈຳນວນ 15 ໂຕນ ລວມມູນຄ່າ 141 ລ້ານກວ່າກີບ ມອບໃຫ້ອົງການປົກຄອງເມືອງໂພນທອງແຂວງຫລວງພະບາງ ເພື່ອຊ່ວຍເຫລືອປະຊາຊົນທີ່ໄດ້ຮັບຜົນກະທົບຈາກໄພແຫ້ງແລ້ງໃນປີຜ່ານມາ ຊຶ່ງເຂົ້າຊ່ວຍເຫລືອດັ່ງກ່າວແມ່ນໄດ້ຮັບມາຈາກກະຊວງແຮງງານສະຫວັດດີການ ແລະສັງຄົມ ສົມທົບກັບກອງທຶນເພື່ອຮ່ວມງານ ເພື່ອປະກອບສ່ວນຊ່ວຍເຫຼືອປະຊາຊົນຜູ້ໄດ້ຮັບຜົນກະທົບຈາກໄພທຳມະຊາດດັ່ງກ່າວ.