ຄອບຄົວແຕກແຍກ ນ້ອງຊາຍນາຍົກລັດຖະມົນຕີ ສິງກະໂປເຂົ້າຮ່ວມພັກຝ່າຍຄ້ານ

ທ່ານ ລີ້ຮຽນເຢືອງ ນ້ອງຊາຍຂອງນາຍົກລັດຖະມົນຕີ ສິງກະໂປ ລີ້ຮຽນລ໊ອງ ໄດ້ເຂົ້າຮ່ວມພັກຝ່າຍຄ້ານຢ່າງເປັນທາງການ ໝາຍຄວາມວ່າໄດ້ເປັນສະມາຊິກຂອງພັກ ສິງກະໂປ ກ້າວໜ້າ (PSP) ເຕັມຕົວ.

ລີ້ຮຽນເຢືອງ ອາຍຸ 62 ປີ ເມື່ອຖືກຖາມວ່າ:  ທ່ານຈະປະກອບສ່ວນຫຍັງໃຫ້ພັກ PSP? ເຂົາຕອບວ່າ: “ບໍ່ທັນເວົ້າໄດ້”. ທ່ານກ່າວວ່າ: “ຂ້ອຍເຂົ້າຮ່ວມພັກ ກໍເພາະວ່າ ປອ Tanໃຫ້ຄຳໝັ້ນສັນຍາວ່າຈະເຮັດເພື່ອປະເທດຊາດ, ເພື່ອປະຊາຊົນສິງກະໂປ ແລະ ເຂົາກໍເປັນຜູ້ຮັກຊາດຄົນໜຶ່ງ…”

ທ່ານ ລີ້ຮຽນເຢືອງ ໃຫ້ຮູ້ວ່າ ເຂົາມີຄວາມກັງວົນກັບຫຼາຍບັນຫາ, ໃນນັ້ນ ມີມາດຖານກາຄຸ້ມຄອງປະເທດ ແລະ ລາຍຮັບບໍ່ມີຄວາມສະເໝີພາບ.

ທ່ານ Tan ໃຫ້ຮູ້ວ່າ ທ່ານ ລີ້ຮຽນເຢືອງ ເຂົ້າຮ່ວມກັບພັກພວກເຮົາແຕ່ 3 ເດືອນກ່ອນໜ້ານັ້ນແລ້ວ ແຕ່ຫາກໍໄດ້ຮັບບັດສະມາຊິກພັກວັນທີ 24 ມີຖຸນານີ້. ທ່ານ Tan ກ່າວຕໍ່ວ່າ: “ທ່ານ ລີ້ຮຽນເຢືອງ ບໍ່ແມ່ນຄົນທຳມະດາ  ພໍ່ຂອງເຂົາແມ່ນ ທ່ານ ລີກວາງຢູ ເປັນຜູ້ສ້າງຕັ້ງປະເທດຊາດສິງກະໂປ. ການຕັດສິນໃຈເຂົ້າຮ່ວມກັບພັກຂອງພວກເຮົາ ສະແດງໃຫ້ເຫັນຢ່າງຈະແຈ້ງວ່າ ລັດຖະບານໃນປັດຈຸບັນບໍ່ເຮັດໄປຕາມທີ່ພໍ່ເຂົາມຸ່ງມາດປາດຖະໜາໄວ້”.

ທ່ານ ລີຮຽນເຢືອງ ເປັນນັກການເມືອງທີ່ມີປະສົບການສູງ, ເຂົາມີຄວາມເປັນຫ່ວງຕໍ່ສະຖານະການໃນຕໍ່ໜ້າຈະຂາດຄວາມຮັບຜິດຊອບຕໍ່ປະເທດຊາດໃນຫຼາຍປີຂ້າງໜ້າ ຖ້າຫາກຍັງແມ່ນລັດຖະບານປັດຈຸບັນຍັງກຳອຳນາດຢູ່.

ຂ່າວ: ລູກເມືອງພວນ(ແຫຼ່ງຂ່າວ soha)