ຫົວໜ້າທີມບັນເທີງ ຮໍລີວູດ (Hollywood)ໂດດຕຶກຕາຍ ໃນໄວ 55 ປີ
ສຳນັກຂ່າວ TMZ ໃຫ້ຮູ້ວ່າ: Steve Bing ໄດ້ໂດດຕຶກຕາຍ ຈາກຊັ້ນທີ 27 ຈາກຕຶກຄອນໂດມີນຽມ ລະດັບສູງຢູ່ທີ Century City (Los Angeles, ສະຫະລັດອາເມລິກາ), ໃນເວລາ 13 ໂມງຂອງວັນທີ 22 ມີຖຸນານີ້, ໃນໄວ 55 ປີ. ສວນສາເຫດຈູງໃຈບໍ່ທັນຈະແຈ້ງ. ແຫຼ່ງຂ່າວໃຫ້ຮູ້ວ່າ ກ່ອນທີ່ຜູ້ກ່ຽວຈະຕາຍ ເຫັນຜູ້ກ່ຽວມີອາການຊຶມເສົ້າ ແລະ ເກີດຄວາມເບື່ອໜ່າຍ ເພາະຂາດການພົວພັນກັບທຸກຄົນໃນໄລຍະກັກຕົວ ໂຄວິດ.
Steve Bing ເປັນນັກທຸລະກິດຜະລິດຮູບເງົາ ແລະ ເປັນນັກລົງທຶນທີ່ມີຊື່ສຽງຂອງຍຸກສະໄໝ, ເຂົາເປັນຜູ້ສ້າງຕັ້ງ Shangri-La Entertainment ຊຶ່ງເປັນບໍລິສັດດ້ານການບັນເທີງ, ທຸລະກິດອະສັງຫາລິມະຊັບ ແລະ ການກໍ່ສ້າງ.
ປີ 2003 ເຂົາໄດ້ຂຽນບົດລະຄອນທີ່ມີຊື່ວ່າ: Kangaroo Jack, ເມື່ອຮອດປີ 2012 ເຂົາໄດ້ເຂົ້າຮ່ວມໂຄງການຜະລິດເລື່ອຮູບເງົາHotel Noir. ເວລານັ້ນເຂົາສັນຍາໄວ້ວ່າ ຂະໃຫ້ຊັບສິນມູນຄ່າ 30 ລ້ານໂດລາໃຫ້ແກ່ກອງທຶນ ຖ່າຍທຳຮູບເງົາ ແລະ ໂທລະພາບ.
ນອກຈາກມີຄວາມສະໜິດກັບທ່ານ Bill Clinton ແລ້ວ, ເຂົາຍັງມີສາຍພົວພັນກັບ Al Gore, Gavin Newsom, Hilary Clinton, Nancy Pelosi ແລະ Dianne Feinstein ຕື່ມອີກ.
ໜັງສືພິມ Variety ຂຽນວ່າ: ຫົວໜ້າທີມບັນເທີງ ຮໍລີວູດ ໄດ້ໃຊ້ຊີວິດຢູ່ກັບໂຮງແຮມ ແລະ ມັກການຊຸມແຊວຕະຫຼອດຄືນ ພ້ອມກັບເພື່ອນໆທີ່ຮັ່ງມີດ້ວຍກັນ.
ໃນເລື່ອງສ່ວນຕົວຂອງເຂົາແມ່ນໂດ່ງດັງໃນເລື່ອງນັດພົບກັບນາງແບບ Elizabeth Hurley ໃນຊຸມປີ 2000. ເຂົາໄດ້ມີລູກຮ່ວມກັບນາງແບບ Damian Hurley ໜຶ່ງຄົນ,ດຽວນີ້ມີອາຍຸ 18 ປີ. ນອກຈາກນັ້ນເຂົາຍັງມີລູກສາວອີກຄົນໜຶ່ງຊື່Kira Bonder ຮ່ວມກັບມືເທັນ ນິສອາຊີບLisa Bonder.
ຂ່າວ: ລູກເມືອງພວນ
