ນາງສາວຫູໜວກຕາບອດຄົນທຳອິດທີ່ຈົບມະຫາວິທະຍາໄລກົດໝາຍ ຮາເວິດ

HabenGirma ອາຍຸ 32 ປີ, ຊຶ່ງເກີດມາໄດ້ມີຫູໜວກຕາບອດຕິດຕົວມາພ້ອມ ບໍ່ສາມາດທີ່ຈະໄດ້ຍິນ ແລະ ເຫັນໄດ້ຄືກັບຄົນອື່ນທີ່ປົກກະຕິທົ່ວໄປ.

ແຕ່ຕອນ ຍັງນ້ອຍ ເຂົາໄດ້ຮັບການສັ່ງສອນຈາກພໍ່ແມ່ ແລະ ຄູອາຈານວ່າ ຊີວິດຂອງນ້ອງຈະບໍ່ຖືກຈຳກັດດ້ວຍພະຍາດທີ່ມີມາແຕ່ເກີດ ເພາະທຸກຢ່າງມີທາງອອກຂອງມັນ. ສະນັ້ນ ເຖິງຈະມີຮ່າງກາຍບໍ່ສົມປະກອບກໍຕາມ Girma ບໍ່ໄດ້ເກີດໂປມດ້ອຍແຕ່ຢ່າງໃດ ແຕ່ຫາກຍັງມີຄວາມພະຍາຍາມເພື່ອໄປເຖິງຝັນຂອງຕົນ.

Girmaເວົ້າກັບ Harvard New Bulletin ວ່າ: “ພໍ່ແມ່ໄດ້ພະຍາຍາມຊ່ວຍໃຫ້ຂ້ອຍເຂົ້າເຖິງທຸກຢ່າງ, ພວກເພີ່ນໄດ້ສອນໃຫ້ຂ້ອຍມີຄວາມອົດທົນ. ສະນັ້ນ, ຂ້ອຍຈຶ່ງໃຫ່ຍຂຶ້ນມາພ້ອມກັບແນວຄວາມຄິດທີ່ວ່າ ຂ້ອຍຈະຕ້ອງເຮັດໄດ້ທຸກຢ່າງ”.

ໃຫ້ສຳພາດຕໍ່ສື່ NPRໃນປີ 2015, Girma ໃຫ້ຮູ້ວ່າ: ແມ່ຂອງເຂົາເປັນຊາວອົບພະຍົບ. ແມ່ຍ້າຍອອກຈາກ Eritrea ແຕ່ປີ 1983 ໃນການເຮັດສົງຄາມກັບ Ethiopia ຈຶ່ງໄດ້ຍົບພະຍົບເຂົ້າມາຢູ່ໃນສະຫະລັດອາເມລິກາ.

ແລະ ໃນທີ່ສຸດແມ່ກໍໄປຮອດໄປເຖິງ California ຂອງສະຫະລັດ ແລະ ຈຶ່ງໄດ້ພົບ ພົບກັບພໍ່ຂອງ Girma,ຊຶ່ງກໍເປັນຊາວອົບພະຍົບມາຈາກ Ethiopiaເຊັ່ນດຽວກັນກັບແມ່. ພວກເຂົາໄດ້ແຕ່ງງານກັນ ແລະ ມີລູກຜູ້ທຳອິດໃນປີ 1988 ຈຶ່ງໄດ້ໃສ່ຊື່ວ່າ: Haben ມີຄວາມໝາຍວ່າ: ພູມໃຈ.

ເມື່ອໃຫ່ຍຂຶ້ນມາ ນາງໄດ້ເຂົ້າໂຮງຮຽນຄົນຕາບອດເອກກະຊົນແຫ່ງໜຶ່ງຢູ່ທ້ອງຖິ່ນທີ Oakland, ຢູ່ໃນໂຮງຮຽນຫຼັງນີ້ ເຂົາໄດ້ຮຽນໜັງສືທີ່ເປັນຕົວໜັງສືສັນຍາລັກ ແລະ ຕົວໜັງສືຮູບໂນນທີ່ລູບຄຳໄດ້. ນອກຈາກຮຽນໜັງສືແລ້ວ ນ້ອງຍັງໄດ້ເຄື່ອນໄຫວຫຼາຍກິດຈະກຳໃນໂຮງຮຽນອີກເຊັ່ນ: ຂຶ້ນພູ, ພາຍເຮືອ, ແລ່ນສະເກັດນໍ້າແຂງ, ແຂ່ງລົດຖີບ ແລະ ເຕັ້ນລຳ…

ພາຍຫຼັງຮຽນຈົບລະດັບສາມັນຶກສາ, ນ້ອງໄດ້ລົງທະບຽນເຂົ້າຮຽນໃນລະດັບວິທະຍາໄລທີ່ໂຮງຮຽນ Lewis ແລະ Clark ຢູ່ທີ່ລັດ Oregon ໃນສະຫະລັດ.

ເນື່ອງຈາກວ່ານ້ອງມີຜົນງານໂດດເດັ່ນຢູ່ທີ່ວິທະຍາໄລ ນ້ອງຈຶ່ງຖືກຮັບເຂົ້າຮຽນໃນ ລະດັບມະຫາວິທະຍາໄລກົດໝາຍ Harvard. HabenGirma ໃຫ້ຮູ້ວ່າ: ເຂົາຢາກເປັນທະນາຍຄວາມ ເພື່ອຊ່ວຍຄົນພິການ ເພື່ອໃຫ້ພວກເຂົາສາມາດເຂົ້າເຖິງອຸປະກອນເທັກໂນໂລຢີ, ປຶ້ມ ແລະ ເຕັກນິກດີຈິຕອນໄດ້.

ໃນຂະນະທີ່ຮຽນຢູ່ມະຫາວິທະຍາໄລ ຮາເວີດນັ້ນ, ຊີວິດຂອງນ້ອງກໍເປັນໄປຄືກັນກັບໝູ່ເພື່ອນຮ່ວມອາຍຸດຽວກັນ ພ້ອມກັບໝາເພື່ອນໃຈMaxineເປັນຜູ້ນຳພາທາງ. ນ້ອງສາມາດໄປທົ່ວ Cambridge ໄດ້ດ້ວຍຕົນເອງ, ຈາກຫໍພັກໄປຫາຫ້ອງຮຽນ, ຮ້ານຄ້າ ແລະ ບາງຄັ້ງຄາວກໍໄປBoston ດ້ວຍພາຫະນະສາທາລະນະດ້ວຍຕົນເອງ.

ປີ 2013 HabenGirma ເປັນນັກສຶກສາພິການຄົນທຳອິດທີ່ຈົບຈາກມະຫາວິທະຍາໄລກົດໝາຍ ຮາເວີດ  ແລະ ໃນປີດຽວກັນນັ້ນ, ນ້ອງຖືກເຊື່ອເຊີນໃຫ້ໄປທີ່ທຳນຽບຂາວ ເພື່ອເຂົ້າຮ່ວມເຫດການລະນຶກວັນສ້າງຕັ້ງກົດໝາຍວ່າດ້ວຍ: ຄົນພິການຂອງສະຫະລັດ ແລະ ໂອ້ລົມກັບອະດີດປະທານາທິບໍດີ ບາຣັກໂອບາມາ.

ປັດຈຸບັນ, ນອກທີ່ນ້ອງເຂົາຈະເປັນທະນາຍຄວາມແລ້ວ, ນ້ອງຍັງເປັນນັກເຄື່ອນໄຫວເພື່ອຄົນພິການ. ໃນບົດຄຳເຫັນບົດໜຶ່ງ ທີ່ກ່າວຢູ່ໃນທຳນຽບຂາວ ນ້ອງກ່າວວ່າ: ຄວາມສຳເລັດຂອງຄົນພິການບໍ່ແມ່ນຍ້ອນສິ່ງສັກສິດໃດໆ ແຕ່ຫາກແມ່ນຍ້ອນຄວາມພະຍາຍາມເອົາຊະນະດ້ວຍ ກົດໝາຍ ADA.

ຂ່າວ: ລູກເມືອງພວນ(ແຫຼ່ງຂ່າວ zingnews)