ນາຍົກລັດຖະມົນຕີ ຫງວຽນຊວັນຟຸກ ຈະເປັນປະທານ ຈັດກອງປະຊຸມທາງໄກ ASEAN 36
ໃນນາມປະທານ ອາຊຽນ 2020, ນາຍົກລັດຖະມົນຕີ ຫງວຽນຊວັນຟຸກ ຈະເປັນປະທານກ່າວໄຂກອງປະຊຸມທົ່ວໄປ ແລະ ກອງປະຊຸມພິເສດກ່ຽວກັບການເພີ່ມທະວີບົດບາດຂອງແມ່ຍິງໃນຍຸກດີຈິຕອນ, ສົນທະນາກັບບັນດາຜູ້ນຳປະເທດອາຊຽນ ກ່ຽວກັບກອງປະຊຸມສະພາອາຊຽນ (AIPA), ກອງປະຊຸມກ່ຽວກັບຊາວໜຸ່ມອາຊຽນ, ສະພາທີ່ປຶກສາທຸລະກິດອາຊຽນ(ASEAN-BAC).
ປະທານສະພາແຫ່ງຊາດ ຫງວຽນຖິກີມເງິນ, ປະທານ AIPA 41 ຈະເປັນຕົວແທນຕາງໜ້າໃຫ້ ຫວຽດນາມ ມີຄຳຄິດຄຳເຫັນຕໍ່ກອງປະຊຸມພິເສດກ່ຽວກັບການເພີ່ມທະວີບົດບາດຂອງແມ່ຍິງໃນຍຸກດີຈິຕອນ ແລະ ພ້ອມກັບຮອງປະທານ, ຄະນະປະຈຳສະພາແຫ່ງຊາດ ທ່ານ ນາງ ຖິຟ໊ອງ, ຫົວໜ້າຄະນະຜູ້ແທນຫວຽດນາມປະຈຳ AIPA ຈະເຂົ້າຮ່ວມກອງປະຊຸມສົນທະນາລະຫວ່າງ ຜູ້ນຳອາຊຽນ ກັບ AIPA.
ກ່ອນໜ້ານັ້ນ, ກອງປະຊຸມຄາດວ່າຈະດຳເນີນແຕ່ວັນທີ່ 22 ຫາວັນທີ 24 ມີຖຸນານີ້ວ່າ:ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟາມບີ່ງມິງ ຈະເປັນປະທານ ກອງປະຊຸມລັດຖະມົນຕີການຕ່າງປະເທດ ອາຊຽນ ບໍ່ເປັນທາງການ, ກອງປະຊຸມປະສານງານອາຊຽນຄັ້ງທີ 26 ແລະ ສະພາວົງຄະນະຍາດການເມືອງ-ຄວາມໝັ້ນຄົງຂອງອາຊຽນຄັ້ງທີ 21.
ລັດຖະມົນຕີກະຊວງອຸດສາຫະກຳການຄ້າ ເຈິນຕວັນແອັງ ຈະເປັນປະທານກອງປະຊຸມລັດຖະມົນຕີ ບັນດາປະເທດທີ່ເຂົ້າຮ່ວມເຈລະຈາຄູ່ຮ່ວມມືທາງເສດຖະກິດຮອບດ້ານຂອງພາກພື້ນ(RCEP). ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ດາວຫງອກຢຸງ ຈະເປັນປະທານ ກອງປະຊຸມສະພາວົງຄະນະຍາດວັດທະນະທຳ-ສັງຄົມ ອາຊຽນຄັ້ງທີ 23.
ກອງປະຊຸມທາງໄກອາຊຽນຄັ້ງທີ 36 ຈະຈັດຂຶ້ນໃນສະຖານະການຂອງ ໄວຣັດ ໂຄໂຣນາສາຍພັນໃໝ່(COVID-19) ລະບາດ ຊຶ່ງມີຫຼາຍສາຍການບິນບໍ່ທັນສາມາດເປີດຕໍ່ກັນໄດ້.
ຂ່າວ: ລູກເມືອງພວນ
