ອົງການຝຣັ່ງເພື່ອການພັດທະນາ (AFD) ໃຫ້ການຊ່ວຍເຫລືອຫລາຍກວ່າ 2,6 ລ້ານເອີໂຣ ເພື່ອປົກປັກຮັກສາມໍລະດົກວັດທະນະທໍາ
ອົງການຝຣັ່ງເພື່ອການພັດທະນາ (AFD) ໃຫ້ການຊ່ວຍເຫລືອຫລາຍກວ່າ 2,6 ລ້ານເອີໂຣ ເພື່ອສະໜັບສະໜູນໂຄງການຄຸ້ມຄອງ, ປົກປັກຮັກສາມໍລະດົກວັດທະນະທໍາ ແລະ ການສ້າງຄວາມດຶງດູດໃຫ້ແກ່ວຽກງານທ່ອງທ່ຽວຢູ່ແຂວງຈໍາປາສັກ ແລະ ສະຫວັນນະເຂດ. ພິທີເຊັນສັນຍາຮັບການຊ່ວຍເຫລືອດັ່ງກ່າວຈັດຂື້ນໃນວັນທີ 17 ມິຖຸນານີ້, ໂດຍການເຂົ້າຮ່ວມຂອງຜູ້ຕາງຫນ້າຈາກກະຊວງແຜນການ ແລະ ການລົງທຶນ, ອົງການຝຣັ່ງເພື່ອການພັດທະນາ ແລະ ສະຖານທູດຝຣັ່ງປະຈໍາລາວ.
ແຜນພັດທະນາການທ່ອງທ່ຽວຈະຖືກກໍານົດຂື້ນເພື່ອບໍ່ໃຫ້ແຂວງດັ່ງກ່າວ ເປັນພຽງທາງຜ່ານຂອງບັນດາກຸ່ມນັກທ່ອງທ່ຽວ ແລະ ເປັນການກະຕຸ້ນໃຫ້ນັກທ່ອງທ່ຽວ ແວພັກ ເຊົາ ກ່ອນເດີນທາງຕໍ່ໄປແຂວງ ຫລື ປະເທດອື່ນ ແລະ ເປັນການສ້າງລາຍຮັບ ແລະ ວຽກເຮັດ ງານທໍາໃຫ້ກັບປະຊາຊົນທ້ອງຖິ່ນ.
ລັດຖະບານລາວ ແລະ ຜູ້ໃຫ້ທຶນເຊື່ອໝັ້ນວ່າໂຄງການດັ່ງກ່າວຈະມີຄຸນຄ່າຫລາຍໃນການປັບປຸງຄວາມຮູ້ ແລະ ອະນຸລັກຮັກສາມໍລະດົກວັດທະນະທໍາ ທີ່ເປັນເອກະລັກສະເພາະຂອງແຂວງຈໍາປາສັກ ແລະ ສະຫວັນນະເຂດ, ພ້ອມທັງຈະຊ່ວຍໃຫ້ຂະແຫນງການທ່ອງທ່ຽວຟື້ນຟູຢ່າງໝັ້ນຄົງ ແລະ ຍືນຍົງ ຫລັງຈາກໄດ້ຮັບຜົນກະທົບຈາກວິກິດການຕ່າງໆໃນປະຈຸບັນ.
ແຂວງຈໍາປາສັກ ແລະ ສະຫວັນນະເຂດ ແມ່ນມີທ່າແຮງດ້ານການທ່ອງທ່ຽວ ເຫມືອນກັບບັນ ດາ ແຂວງອື່ນໆ ເພາະວ່າແຂວງດັ່ງກ່າວປະກອບມີຫລາຍແຫຼ່ງທ່ອງທ່ຽວທີ່ສວຍງາມ ເຊິ່ງລວມມີສະ ຖານທີ່ ທ່ອງທ່ຽວດ້ານວັດທະນະທໍາ, ປະຫວັດສາດ ແລະ ທໍາມະຊາດ.
