ນາໂປລີ ແມ້ນຈຸດໂທດກວ່າຊະນະ ຢູເວັນຕຸສ ຄວ້າແຊ້ມ ໂຄປາ ອີຕາລີສະໄໝທີ 6 ໃນຮອບ 6 ປີ..!
ການແຂ່ງຂັນເຕະບານ ໂຄປາ ອີຕາລີ ລະດູການ 2019-20 ຮອບຊິງຊະນະເລີດ ຄືນຜ່ານມາ (17 ມິຖຸນາ 2020) ນາໂປລີ ແຊ້ມ 5 ສະ ໄໝ ພົບກັບ ຢູເວັນຕຸສ ແຊ້ມສູງສຸດ 13 ສະໄໝ ທີ່ສະໜາມສະຕາດີໂອ ໂອລິມປີໂກ້ ໃນນະຄອນຫລວງໂຣມ ໂດຍບໍ່ໃຫ້ມີຜູ້ຊົມ (ແຂ່ງຂັນແບບປິດ) ເພື່ອປ້ອງກັນການລະບາດຂອງເຊື້ອໄວຣັສໂຄວິດ-19
ສຳຫຼັບການແຂ່ງຂັນຊີງຊະນະເລີດຄູ່ນີ້ຕ້ອງແຂ່ງຂັນຈົບພາຍໃນ 90 ນາທີ ໂດຍບໍ່ມີການຕໍ່ເວລາພິເສດ ເພື່ອຕັດຮອນການແຂ່ງຂັນໃຫ້ສັ້ນລົງ ຜົນອອກມາບໍ່ມີປະຕູສະເໝີກັນ 0-0 ຕ້ອງມາດວນຈຸດໂທດຕັດສິນແຊ້ມ ແລະ ເປັນ ນາໂປລີ ຍິງໄດ້ຄົມກວ່າ ເອົາຊະນະ ຢູເວັນຕຸສ 4-2 ສອງຄົນທຳອິດຂອງຢູເວ່ ຍິງບໍ່ເຂົ້າຄື: ເປົາໂລ ດີບາລ່າ ແລະ ດານີໂລ້ ສ່ວນ 4 ຄົນຂອງ ນາໂປລີ ຍິງເຂົ້າໝົດ.
ເຮັດໃຫ້ ນາໂປລີ ຄວ້າແຊ້ມ ໂຄປາ ອີຕາລີ ສະໄໝທີ 6 ໃນຮອບ 6 ປີ ຕໍ່ຈາກປີ 2014 ແລະ ເປັນແຊ້ມທຳອິດຂອງ ເກັນນາໂລ້ ກັດຕູໂຊ້ ຄູຝຶກຂອງ ນາໂປລີ ອະດີດກອງກາງທີມຊາດອີຕາລີ, ນາໂປລີ ຄວ້າສິດໄປແຂ່ງຂັນ ຢູໂຣປ້າລີກ ລະດູການໜ້າແນ່ນອນແລ້ວ ແຕ່ຖ້າຈົບອັນດັບ 1 ໃນ 4 ໃນເຊຣີອາ ຈະໂຍນໂຄຕ້າໃນທີມອັນດັບ 7 ໃນລີກ ເພາະ ນາໂປລີ ຕ້ອງເລືອກໄປລາຍການໃຫຍ່ ຢູຟ້າ ແຊ້ມປ້ຽນລີກ.
