ແຂວງບໍ່ແກ້ວ ແລະ ຈັງຫວັດຊຽງຮາຍຮ່ວມຄວບຄຸມພະຍາດວໍ້ໃນເຂດຊາຍແດນ

ແລງວັນທີ 13 ມິຖຸນານີ້,  ພະແນກກະສິກຳ ແລະ ປ່າໄມ້ ແຂວງບໍ່ແກ້ວໄດ້ເປີດກອງປະຊຸມຮ່ວມທາງດ້ານວິຊາການຂອງການຄວບຄຸມພະຍາດວໍ້ຕາມຊາຍ ແດນລະຫວ່າງແຂວງ ບໍ່ແກ້ວ ແລະ ຈັງຫວັດຊຽງຮາຍປະເທດໄທ, ໂດຍມີພະນັກງານ-ວິຊາການຂະແໜງລ້ຽງສັດ-ສັດຕະວະ ແພດທັງສອງຝ່າຍເຂົ້າຮ່ວມ  22  ທ່ານ.

+ ທ່ານທູດ ສສ ຫວຽດນາມຢ້ຽມຢາມແຂວງບໍ່ແກ້ວ

+ ແຂວງບໍ່ແກ້ວເກັບກູ້ເຂົ້ານາແຊງສຳເລັດແລ້ວ 100%

ໃນກອງປະຊຸມທັງສອງຝ່າຍ ໄດ້ລາຍງານການຈັດຕັ້ງປະຕິບັດ ວຽກງານປ້ອງກັນ ແລະ ການຄວບຄຸມພະຍາດວໍ້ໃນໄລຍະຜ່ານມາ, ພ້ອມນຳສະເໜີແຜນເຄື່ອນໄຫວຮ່ວມກັນໃນ ການປ້ອງກັນ ແລະ ຄວບຄຸມພະຍາດດັ່ງກ່າວ ຕາມຊາຍແດນສອງແຂວງ.  ກອງປະຊຸມໄດ້ຕີລາຄາວ່າ: ໃນໄລຍະຜ່ານມາສອງຝ່າຍໄດ້ມີການຮ່ວມມືທີດີທາງດ້ານວິຊາ ການ, ມີການ ປະສານງານ, ແລກປ່ຽນຄວາມຮູ້ສະໜອງຂໍ້ມູນຂ່າວສານ ແລະ ໃຫ້ການຊ່ວຍເຫລືອເຊິ່ງກັນ ແລະ ກັນໃນການ ປ້ອງກັນ ແລະ ຄວບຄຸມພະຍາດ ດັ່ງກ່າວຕາມແນວຊາຍແດນ. ຢ່າງ ມີໝາກຜົນ. ແຕ່ຄຽງຄູ່ກັນນັ້ນກໍຈະໄດ້ເພີ່ມທະວີຖອດຖອນບົດຮຽນ ແລະ ຮ່ວມມືທາງດ້ານວິຊາການ, ການສະໜອງຢາວັກຊິນ, ການກວດຫາເຊື້ອພະຍາດວໍ້ຢູ່ຫ້ອງວິໄຈ ແລະ ການສົ່ງ ຕົວຢ່າງຊີ້ນສ່ວນສັດໄປວິໄຈຢູ່ປະເທດໃຫ້ທັນການ.