ກອງທຶນສະສົມຂອງສະຫະລັດ ຫຼື Fedຈະຮັກສາອັດຕາດອກເບ້ຍເດີມຄາດວ່າເສດຖະກິດສະຫະລັດຈະຫຼຸດລົງ 6% ໃນປີ 2020

June 12, 2020 - 11:33 AM

ກອງທຶນສະສົມຂອງສະຫະລັດ ຫຼື fedຈະຮັກສາອັດຕາດອກເບ້ຍເດີມຄາດວ່າເສດຖະກິດສະຫະລັດຈະຫຼຸດລົງ 6% ໃນປີ 2020 - kitchen vibe - ກອງທຶນສະສົມຂອງສະຫະລັດ ຫຼື Fedຈະຮັກສາອັດຕາດອກເບ້ຍເດີມຄາດວ່າເສດຖະກິດສະຫະລັດຈະຫຼຸດລົງ 6% ໃນປີ 2020

ກອງທຶນສະສົມ ຫຼື Fedຂອງສະຫະລັດໃຫ່ຮູ້ວ່າ ວິກິດການທາງດ້ານສາທາລະນະສຸກ ຈາກພະຍາດໂຄວິດ-19 ໄດ້ສົ່ງຜົນກະທົບຢ່າງຮ້າຍແຮງຕໍ່ເສດຖະກິດຂອງສະຫະລັດ. ສະນັ້ນ, Fedຈຶ່ງຈະຮັກສາອັດຕາດອກເບ້ຍໄວ້ໃນລະດັບ 0% ຈົນກວ່າ ເສດຖະກິດຈະຜ່ານພົ້ນຄວາມຫຍຸ້ງຍາກໃນປັດຈຸບັນໄປໄດ້, ຈົນຕາບໃດທີ່ມີລາຄາ ແລະ ມີວຽກເຮັດງານທຳທີ່ແນ່ນອນ. Fedພະຍາກອນວ່າ ອັດຕາດອກເບ້ຍຈະຄົງເດີມຈົນເຖິງປີ 2022.

17 ປະເທດສະມາຊິກໃນຄະນະກຳມາທິການການຕະຫຼາດເປີດຂອງສະຫະພາບ(FOMC), ອົງກອນກຳນົດອັດຕາດອກເບ້ຍຂອງ Fed ໄດ້ຄາດຄະເນວ່າອັດຕາຫວ່າງງານລະດັບປານກາງຢູ່ທີ່ 9.3% ໃນປີ 2020ແລະ ຈະຫຼຸດລົງຢູ່ທີ່ລະດັບ 6.5% ໃນປີ 2021 ແລະ 5.5% ໃນປີ 2022.

ກອງທຶນສະສົມຂອງສະຫະລັດ ຫຼື fedຈະຮັກສາອັດຕາດອກເບ້ຍເດີມຄາດວ່າເສດຖະກິດສະຫະລັດຈະຫຼຸດລົງ 6% ໃນປີ 2020 - Visit Laos Visit SALANA BOUTIQUE HOTEL - ກອງທຶນສະສົມຂອງສະຫະລັດ ຫຼື Fedຈະຮັກສາອັດຕາດອກເບ້ຍເດີມຄາດວ່າເສດຖະກິດສະຫະລັດຈະຫຼຸດລົງ 6% ໃນປີ 2020

ອັດຕາການຫວ່າງງານຂອງສະຫະລັດຕົກຕໍ່າທີ່ສຸດໃນຮອບ 50 ປີຜ່ານມາ ຢູ່ທີ່ 3.5% ໃນລະຫວ່າງເດືອນກຸມພາ, ກ່ອນທີ່ຈະເພີ່ມຂຶ້ນເປັນ 14,7% ໃນເດືອນເມສາ ໃນລະຫວ່າງທີ່ສະຫະລັດປິດປະຕູເສດຖະກິດເພື່ອສະກັດກັ້ນການລະບາດຂອງພະຍາດໂຄວິດ-19.ອັດຕາສ່ວນດັ່ງກ່າວໄດ້ຫຼຸດລົງ 13,3% ໃນເດືອນພຶດສະພາ.

FOMC ຄາດຄະເນວ່າ ເສດຖະກິດຂອງສະຫະລັດ ອາເມລິກາຈະຫຼຸດລົງ 6,5% ໃນປີ 2020, ຫຼັງຈາກນັ້ນຈະຟື້ນໂຕຂຶ້ນທີ່ລະດັບ 5% ໃນປີ 2021 ແລະ 3,5% ໃນປີ 2022.

ການຄາດເດົາຂອງ Fed ມີຂຶ້ນພາຍຫຼັງມີບົດລາຍງານກ່ຽວກັບສະຫະລັດມີ 2,5 ລ້ານອັດຕາວຽກເຮັດງານທຳໃນເດືອນພຶດສະພາຜ່ານມາ.

ກ່ອນໜ້ານັ້ນ, ຄາດວ່າຈະຫຼຸດຜົນກະທົບຕໍ່ເສດຖະກິດຂອງສະຫະລັດໃຫ້ໜ້ອຍທີ່ສຸດຈາກໂຄວິດ-19, Fed ຈຶ່ງໄດ້ຫຼຸດອັດຕາດອກເບ້ຍລົງເຖິງ 0%, ພ້ອມດຽວກັນນັ້ນ ກໍໄດ້ປ່ອຍຫຼາຍຕື້ໂດລາອອກເພື່ອຊ່ວຍໜູນໃຫ້ບັນດາພາກທຸລະກິດທີ່ໄດ້ຮັບຜົນກະທົບໜັກຈາກພະຍາດໂຄວີດ-19. ແນວທາງດັ່ງກ່າວໄດ້ຊ່ວຍກະຕຸກຊຸກຍູ້ໃຫ້ຕະຫຼາດຫຼັກຊັບສະຫະລັດກັບມາຟື້ນຕົວ ທີ່ກຳລັງພົບຄວາມຫຍຸ້ງຍາກຢູ່ໃນຂະນະນີ້.

(ຂ່າວ:ລູກເມືອງພວນ)