ຜູ້ຕິດເຊື້ອໂຄວິດ-19 ເພີ່ມສູງຂຶ້ນຢູ່ຊາຍແດນຈີນ-ເກົາຫລີເໜືອ

ຜູ້ຕິດເຊື້ອໂຄວິດ-19 ບໍ່ສະແດງອາການເພີ່ມຂຶ້ນ 19 ຄົນຢູ່ທີ່ເມືອງ Mudanjiang(ຈີນ) ຢູ່ໃກ້ກັບຊາຍແດນກັບເກົາຫລີເໜືອ 170 km.

ໜັງສືພິມ Global Times ໃຫ້ຮູ້ວ່າ 7ວັນທີ່ຜ່ານມານີ້ ມີຢ່າງໜ້ອຍ 650.000 ຄົນໃນເມືອງດັ່ງກ່າວໄດ້ຮັບການກວດຫາເຊື້ອພະຍາດໂຄວິດ-19. ຖະແຫຼງການຕໍ່ນັກຂ່າວ ມື້ວັນທີ 8 ມີຖຸນານີ້, ທ່ານ Wang Wenli ເຈົ້າເມືອງMudanjiang ໃຫ້ຮູ້ວ່າ ພົບເຫັນ 19 ຄົນຕິດເຊື້ອໃໝ່.

ນັບແຕ່ວັນທີ 1 ມີຖຸນາຫາວັນທີ 7 ມີຖຸນານີ້ ມີຜູ້ໄດ້ຮັບການກວດຫາເຊື້ອໂຄວິດ-19 ທັງໝົດ 658.772 ຄົນ. ພົບເຫັນ 19 ຄົນຕິດເຊື້ອບໍ່ສະແດງອາການ ແລະ ພົບເຫັນເຊື້ອພຽງແຕ່ 0.288/10.000. ໃນຈຳນວນ 19 ຄົນຕິດເຊື້ອໃໝ່ນັ້ນ,56,6% ເປັນເພດຊາຍ ແລະ 43,33% ເປັນເພດຍິງ, ມີອາຍຸລະຫວ່າງ 5 ຫາ 70 ປີ. ຈຳນວນຜູ້ຕິດເຊື້ອດັ່ງກ່າວ ສ່ວນຫຼາຍແມ່ນຜູ້ກັບມາແຕ່ຕ່າງປະເທດ ໂດຍຜ່ານທ່າກຳປັ່ນ Suifenhe.

ກ່ອນໜ້ານັ້ນ, ຂໍ້ມູນໂດຍທາງການຈາກ website ຂອງຄະນະກຳມະການແພດແຂວງ ຫຼົງກ້ຽງ ໃຫ້ຮູ້ວ່າ ວັນທີ 2 ມີຖຸນານີ້ວ່າ ແຂວງດັ່ງກ່າວຍັງບໍ່ມີຜູ້ຕິດເຊື້ອໃໝ່ ຫຼື ຜູ້ຕິດເຊື້ອບໍ່ສະແດງອາການຄົນໃດເລີຍ. ແຕ່ມາເຖິງວັນທີ 7 ມີຖຸນານີ້ ແຂວງ ຫຼົງກ້ຽງ ມີຜູ້ຕິດເຊື້ອທັງໝົດ 561 ຄົນ ໃນນັ້ນ 548 ຄົນແມ່ນຜູ້ທີ່ປິ່ນປົວດີ ແລະ ໄດ້ອອກໂຮງໝໍໄປແລ້ວ.

ຂ່າວ: ລູກເມືອງພວນ ( ແຫຼ່ງຂ່າວ baotintuc.vn)