ເຈລີກສະເທືອນ..! ຜູ້ຮັກສາປະຕູ ນາໂກຍາຕິດເຊື້ອໂຄວິດ-19 ເປັນຄົນທີ່ 2 ຂອງທີມ

ເຈລີກ (ລີກບານເຕະສູງສຸດຂອງຢີ່ປຸ່ນ) ຍັງຄົງມີນັກເຕະຕິດເຊື້ອເພີ່ມ ຫຼັງຈາກຖືກກວດພົບວ່າຕິດເຊື້ອໂຄວິດ-19 ຕໍ່ຈາກ ມູ ຄານາຊາກິ ກອງໜ້າຂອງທີມ, ກ່ອນໜ້ານີ້ ມູ ຄານາຊາກິ ກອງໜ້າຂອງທີມທີ່ຢືມຕົວມາຈາກສະໂມສອນ ຊາງັນ ໂຕສຸ ໃນລະດູການນີ້ເປັນນັກເຕະຄົນທຳອິດທີ່ກວດພົບເຊື້ອໄວຣັສໂຄວິດ-19 ເມື່ອວັນທີ່ 2 ມິຖຸນາທີ່ຜ່ານມາ.

ຫຼ້າສຸດ ສະໂມສອນ ນາໂກຢາ ແກຣມປັດ ທີມເຈລີກ 1 ໄດ້ອອກມາຖະແຫຼງຢືນຢັນວ່າ: ມິດເຊວ ລັນເກັດ ກາຍເປັນນັກເຕະຄົນທີ່ 2 ຂອງທີມທີ່ຕິດເຊື້ອໂຄວິດ-19 ໂດຍຕົວຂອງ ລັນເກດ ໃນຂະນະນີ້ບໍ່ໄດ້ມີອາການເຈັບເປັນແລະໄຂ້ແຕ່ຢ່າງໃດ. ພ້ອມດຽວກັນນີ້ ເຈລີກ 1 ຍັງຢືນຢັນວ່າຈະກັບມາແຂ່ງຂັນອີກຄັ້ງໃນວັນທີ່ 4 ກໍລະກົດນີ້ ເຖີງວ່າຈະມີນັກເຕະຕິດເຊື້ອເພີ່ມກໍ່ຕາມ.