ນັບແຕ່ວັນທີ 4 ພຶດສະພາເປັນຕົ້ນໄປຈະໂຈະການຖ່າຍທອດສົດຖະແຫລງຂ່າວສະຖານະການໂຄວິດ

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ທັງເປັນຜູ້ປະຈຳການຄະນະສະເພາະກິດຕ້ານ, ສະກັດກັ້ນ ແລະ ຄວບຄຸມ ການລະບາດຂອງພະຍາດໂຄວິດ-19 ໄດ້ຖະແຫລງໃນວັນທີ 3 ມິຖຸນານີ້ວ່າ: ການຖ່າຍທອດສົດຖະແຫລງຂ່າວສະຖານະການຂອງພະຍາດໂຄວິດ-19 ຈະໄດ້ໂຈະໄວ້ກ່ອນ, ນັບແຕ່ວັນທີ 4 ມີຖຸນານີ້ເປັນຕົ້ນໄປ, ຍົກເວັ້ນໃນກໍລະນີມີສະຖານະການໃໝ່ຮີບດ່ວນເກີດຂຶ້ນ, ຈຶ່ງຈະກັບມາຖ່າຍທອດສົດຄືນໃໝ່ ແລະ ໃຫ້ບັນດາທ່ານຕິດຕາມຂ່າວ ຈາກພາກປົກກະຕິຂອງໂທລະພາບ, ວິທະຍຸກະຈາຍສຽງ, ໜັງສືພິມ, ສື່ຕ່າງໆ, ພິເສດແມ່ນເວບໄຊ www.covid19.gov.la ແລະ ເຟດບຸກຂອງສູນຂ່າວສານການແພດ ແລະ ສຸຂະສຶກສາ.

ພ້ອມນີ້, ກໍຂໍຮຽກຮ້ອງໃຫ້ປະຊາຊົນບັນດາເຜົ່າ, ໃນທົ່ວສັງຄົມຈົ່ງສືບຕໍ່ປະຕິບັດແຈ້ງການ ແລະ ຄໍາແນະນໍາຂອງຂະແໜງການຕ່າງໆ ດ້ວຍຄວາມຮັບຜິດຊອບສູງຈົນກວ່າຈະມີການປ່ຽນແປງໃໝ່.