ໂຄວິດ-19 ລະບາດໜັກຢູ່ ອາເມລິກາໃນຂະນະທີ່ຢູ່ເອີໂຣບໄດ້ປົດລ໊ອກເທື່ອລະກ້າວ

ອີງຕາມສະຖິຕິຂອງ Worldometer ໃຫ້ຮູ້ວ່າ ການລະບາດຂອງພະຍາດໂຄວິດ-19 ໄດ້ເອົາຊີວິດຄົນໄປແລ້ວ 376.795 ຄົນ ແລະ ມີຜູ້ຕິດເຊື້ອທົ່ວໂລກ 6.354.644 ຄົນ.

ສູນກາງຄົ້ນຄວ້າບັນຫານະໂຍບາຍ ກ່ຽວກັບພະຍາດຕິດຕໍ່(CIDRAP) ທີ່ຂຶ້ນກັບມະຫາວິທະຍາໄລ Minnesota ໃຫ້ຮູ້ວ່າ ຢູ່ທາງພາກກາງ ແລະ ພາກໃຕ້ຂອງທະວິບອາເມລິກາໃນປັດຈຸບັນໄດ້ກາຍເປັນສູນກາງການລະບາດໃຫ່ຍທີ່ສຸດຂອງພະຍາດຢ່ໂຄວິດ-19.

ຖະແຫຼງຕໍ່ກອງປະຊຸມຂ່າວຫວ່າງມໍ່ໆມານີ້, ທ່ານ Mike Ryan ຫົວໜ້າໂຄງການແພດສຸກເສີນຂອງອົງການອະນາໄມໂລກ (WHO) ໃຫ້ຮູ້ວ່າ ໃນຂອບເຂດ 24 ຊົ່ວໂມງຜ່ານມາມີ 5 ໃນຈຳນວນ 10 ປະເທດທີ່ມີຜູ້ຕິດເຊື້ອໄວຣັດໂຄໂຣນາ ຫຼາຍທີ່ສຸດລ້ວນແຕ່ນອນຢູ່ໃນທະວິບອາເມລິກາ, ຊຶ່ງລວມມີ: ບຣາຊິລ, ສະຫະລັດ, ເປຣູ, ຊີເລ ແລະ ແມັກຊິກໂກ.

ເຈົ້າໜ້າທີ່ດັ່ງກ່າວໃຫ້ຮູ້ຕື່ມວ່າ ບັນດາປະເທດທາງພາກກາງ ແລະ ທາງພາກໃຕ້ຂອງທະວິບອາເມລິກາ,ພະຍາດໂຄວິດ-19 ຍັງບໍ່ທັນເຖິງຈຸດສູງສຸດ, ໃນຂະນະດຽວບັນດາປະເທດໃນອາຊີໃຕ້ ແລະ ທະວິບອາຟຣິກກາຍັງປະເຊີນໜ້າກັບເຊື້ອພະຍາດຢູ່ ແຕ່ກໍມີຄວາມສະຫງົບລົງແດ່ແລ້ວ.

ຢູ່ທີ່ທະວິບ ເອີໂຣບ ເຊັ່ນ: ລັດເຊຍ, ຝຼັ່ງ, ອີຕາລີ ແລະ ອັງກິດ ໄດ້ເລີ່ມມີການຜ່ອນຜັນມາດຕະການ ເພື່ອໃຫ້ກັບຄືນມາເຄື່ອນໄຫວດຳລົງຊີວິດປົກກະຕິ ພາຍຫຼັງໂຄວິດ.

ຢູ່ທີ່ປະເທດ ນໍເວ ແລະ ຟິນແລນ ບັນດາຮ້ານເທັກ ຮ້ານບາ ຮ້ານບັນເທີງໄດ້ເລີ່ມເປີດໃຫ້ການບໍລິການດ້ວຍການຈຳກັດໄລຍະກ່າງໜ້ອຍລົງ. ຢູ່ທີ່ ອັງກິດ ແລະ ເຄລັກ ໄດ້ເປີດການຮຽນການສອນຄືນໃໝ່.

ບັນດານັກຊ່ຽວຊານຂອງອົງການອະນາໄມໂລກກ່າວເຕືອນວ່າ ເຊື້ອໄວຣັດຍັງມີຄວາມຮຸນແຮງຢູ່.

ວັນທີ 1 ມີຖຸນານີ້, ບັນດານັກວິທະຍາສາດໃຫ້ຮູ້ວ່າ ຍັງບໍ່ທັນມີຫຼັກຖານໃດໆພິສູດໃຫ້ເຫັນວ່າ ໂຄວິດ-19 ອ່ອນຕົວລົງ.

ຂ່າວ: ລູກເມືອງພວນ(ແຫຼ່ງຂ່າວ https://vietnamnet.vn)