ໂຮງຮຽນຄະນິດຄິດໄວ ແມ່ນສູນເຝິກທັກສະໃຫ້ເດັກນ້ອຍຢ່າງມີປະສິດທິພາບ

ໂຮງຮຽນຄະນິດຄິດໄວ ເປັນນສູນເຝິກສັກກະຍະພາບທາງສະໝອງໃຫ້ເດັກນ້ອຍ ຫຼືເປັນການເຝິກສະມາທິໂດຍສະເພາະ ນໍາໃຊ້ 11  ຫຼັກສູດຂອງຕົນ.

ດັ່ງ ທ່ານ ຫົວໜ້າອໍານວຍການໂຮງຮຽນຄະນິດ ດັ່ງກ່າວ ໃຫ້ສໍາພາດວ່າ: ໂຮງຮຽນຂອງຕົນ ເປັນສູນເຝິກສັກກະຍະພາບທາງສະໝອງໃຫ້ເດັກນ້ອຍ ໂດຍສະເພາະ ຊຶ່ງໄດ້ບໍລິການແຕ່ປີ 2013 ເປັນຕົ້ນມາ ແຕ່ເວລານັ້ນຍັງບໍ່ທັນໄດ້ຮັບຄວາມສົນໃຈຈາກສັງຄົມຄືປັດຈຸບັນນີ້, ເພາະສ່ວນຫຼາຍເຂົາເຈົ້າຍັງບໍ່ທັນເຂົ້າໃຈ ກ່ຽວກັບຄະນິດຄິດໄວນີ້. ຫຼັງຈາກໄດ້ຮັບການເຊັນອະນຸມັດຈາກພະແນກສຶກສາທິການ ແລະກິລາ ນະຄອນຫຼວງວຽງຈັນ ຈຶ່ງໄດ້ເລືອກສະຖານທີ່ ທີ່ເໝາະສົມ (ບ້ານ ໂພນທັນ ເມືອງໄຊເສດຖາ ) ແລ້ວເປີດສອນຢ່າງເປັນທາງການ, ຕໍ່ຈາກນັ້ນມາ ທຸກໆປີ ທາງໂຮງຮຽນໄດ້ຈັດການແຂ່ງຂັນ ຄະນິດຄິດໄວ ຂອງນັກຮຽນ ແລະສາມາດຄອງອັບດັບໜຶ່ງໃນວຽງຈັນ ການແຂ່ງຂັນແຕ່ລະຄັ້ງໄດ້ມີນັກຮຽນຈາກໂຮງຮຽຕ່າງໆເຂົ້າຮ່ວມ ຊຶ່ງບໍ່ຕໍ່າກວ່າ 100 ຄົນ ແລະໃນນີ້ກໍມີນັກຮຽນ ປະມານ 80%,  ແມ່ນນັກຮຽນຂອງໂຮງຮຽນຄະນິດຄິດໄວ ແລະຜົນແຂ່ງຂັນພົບວ່າ ນັກຮຽນໃນໂຮງຮຽນແຫ່ງນີ້ສາມາດຍາດໄດ້ ຄະແນນຕໍ່າສຸດບໍ່ຫຼຸດ 100 ຄະແນນ, ແລະນັກຮຽນບ່ອນອື່ນ ໄດ້ຄະແນນສູງສຸດບໍ່ເກີນ 50 ຄະແນນເທົ່ານັ້ນ ຈາກຈຸດນີ້ ຈຶ່ງເຫັນໄດ້ຢ່າງຊັດເຈນເຖິງຄວາມແຕ່ຕ່າງ ລະຫວ່າງນັກຮຽນທີ່ໄດ້ຮຽນຢູ່ສູນຄະນິດຄິດໄວ ແລະຜູ້ທີ່ບໍ່ໄດ້ຮຽນຢູ່ໂຮງຮຽນດັ່ງກ່າວ. ແລະປີນີ້ກໍຈະຈັດການສອບເສັງແບບນີ້ຂຶ້ນໃນເດືອນ ກັນຍາ ຄືກັບທຸກໆປີ.

ຜູ້ອໍານວນການໃຫ້ຮູ້ອີກວ່າ: ປັດຈຸບັນມີຄົນມາສະໝັກເຂົ້າຮຽນ ໃນໂຮງຮຽຄະນິດຄິດໄວ ສະເລ່ຍ 150  ຄົນ/ເດືອນ. ແລະຜູ້ທີ່ເຂົ້າມາຮຽນປະມານ 80% ແມ່ນມີທັກສະໃນບັນຫາຕ່າງໆໄດ້ດີ ແລະອີກ 20% ແມ່ນຮັບຮູ້ທາງໂລກອອນລາຍ. ໃນປັດຈຸບັນ ໂຮງຮຽນ ດັ່ງກ່າວ ມີຄູສອນ 10 ກວ່າຄົນ ແລະທາງໂຮງຮຽນຮັບສອນເດັກນ້ອຍແຕ່ 5-15 ປີ, ແລະຫຼັກສູດການສອນຄະນິດຄິດໄວປະກອບມີ 11 ລະດັບດ້ວຍກັນ ແລະໃຊ້ເວລາການສອນໃນແຕ່ລະດັບ 18 ຊົ່ວໂມງ ໂດຍໄດ້ແບ່ງອອກເປັນ 5 ຊຸດຄື: ການນັບດ້ວຍນີ້ວມື, ການນັບດ້ວຍລູກຄິດແບບຢີ່ປຸ້ນ, ການສ້າງຈິນຕະນາການ, ການຄູນ ແລະການຫານ ຊຶ່ງການສອນຄະນິດຄິດໄວນັ້ນ ເປັນການສອນແບບຢີ່ປຸ່ນ ເພືອນໍາໄປສ້າງພາບ, ຈິນຕະນາການ ຫຼືຄິດໄລ່ໃນໃຈ ໂດຍມີຂັ້ນຕອນການສອນເປັນລໍາດັບຄື:  ການຄິດໄລ່ໂດຍໃຊ້ນີ້ວມື, ຄິດໄລ່ຕາມເລກໂຈດ, ການສອນດ້ວຍນີ້ວມືແຕ່ບໍ່ມີໂຈດ ໂດຍຄູເຝິກສອນເປັນຜູ້ບອກໂຈດໃຫ້ນັກຮຽນ ແລະໃຊ້ນີ້ວມືຄິດໄລ່ໄປພ້ອມກັນ ແລະຫຼັກສູດການສອນຈະເນັ້ນການເຝິກສະມາທິໃຫ້ນັກຮຽນມີຄວາມເຊື້ອໝັ້ນໃນຕົນເອງ ແລະກາຍເປັນຄົນກ້າສະແດງອອກ ແລະສອນຕາມສັກກະຍະພາບຂອງເດັກ ເພາະເດັກບາງຄົນທີ່ບໍ່ທັນເຂົ້າໃຈຄໍາວ່າບວກ ແລະຄໍາວ່າລົບ ແລະນັກຮຽນທີ່ຕັ້ງໃຈຮຽນກໍຈະໃຊ້ເວລາ 18 ຊົ່ວໂມງ ຫຼືເດືອນເຄິ່ງກໍຈະຈົບລະດັບໜຶ່ງ. ແລະສາມາດຊ່ວຍໃຫ້ກາຍເປັນນັກຮຽນເກັ່ງ ແລະຄິດວ່າຫຼັກສູດນີ້ຄົງຈະຊ່ວຍພັດທະນາຊັບພະຍາກອນມຸດໄດ້ດີ ດັ່ງນັ້ນ ພວກເຮົາຈຶ່ງຄິດຂະຫຍາຍສາຂາອອກໃຫ້ຫຼາຍຂຶ້ນ ໂດຍສະເພາະຢູ່ໃນນະຄອນຫຼວງວຽງຈັນ ກໍາລັງສ້າງ ແລະຕົບແຕ່ງຢູ່ 4 ສາຂາ ຄື: ບ້ານ ນາເລົາ, ບ້ານ ຈອເພັດ, ດົງໂດກ (ວິທະຍາໄລການເງິນມີໄຊ, ແລະໂພນຕ້ອງ) ຄາດວ່າ ຈະເປີດສອນປະມານທ້າຍປີ 2017 ນີ້.