ສະພາບຝົນຕົກຈະເບົາບາງລົງ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 15-18 ມີຖຸນານີ້, ສະພາບຝົນຕົກຈະເບົາບາງລົງເລັກນ້ອຍ, ໂດຍສະເພາະ ຢູ່ພາກເໜືອດ້ານຕາເວັນອອກ: ສະພາບຝົນຈະເບົາບາງລົງ ແລະ ຈະມີລົມພັດແຮງຢູ່ບາງທ້ອງຖິ່ນ, ອຸນຫະພູມຕໍ່າສຸດ 21-23 ອົງສາ ແລະ ສູງສຸດ 31-33 ອົງສາ; ພາກເໜືອດ້ານຕາເວັນຕົກ: ສະພາບຝົນຕົກຈະເບົາບາງລົງ ແລະ ຈະມີລົມພັດແຮງຢູ່ບາງທ້ອງຖິ່ນ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 35-37 ອົງສາ; ນະຄອນຫລວງວຽງຈັນ: ສະພາບຝົນຈະເບົາບາງລົງ, ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 34-36 ອົງສາ; ພາກກາງ: ຈະມີຝົນຕົກໃນລະດັບຄ່ອຍເປັນສ່ວນຫລາຍ ແລະ ຕົກປານກາງ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 33-35 ອົງສາ ແລະ ພາກໃຕ້: ສະພາບຝົນຕົກຈະເບົາບາງລົງ, ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 33-25 ອົງສາ.