ເຜີຍແຜ່ລະຫັດສາລະບານອາຊີບ 6 ໂຕເລກຂອງລາວ
ວັນທີ 13 ມີຖຸນານີ້, ກະຊວງແຮງງານ ແລະ ສະຫວັດດີການ ສັງຄົມ, ໄດ້ຈັດກອງປະຊຸມເຜີຍ ແຜ່ການນຳໃຊ້ລະຫັດສາລະ ບານອາຊີບ 6 ໂຕເລກຂອງລາວ ຂຶ້ນທີ່ນະຄອນຫລວງວຽງ ຈັນ, ໂດຍການເປັນປະທານຂອງທ່ານ ບຸນຄົງ ຫລ້າສຸກັນ ຮອງລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມ, ມີຜູ້ຕາງໜ້າຈາກສູນສະຖິຕິແຫ່ງຊາດ, ສູນບໍລິການຈັດຫາ ງານ ແລະ ບັນດານັກວິຊາການ, ນັກຄົ້ນຄວ້າເຂົ້າຮ່ວມເປັນຈຳນວນຫລາຍ.
+ ເຜີຍແຜ່ພາລະບົດບາດ ແລະ ຂະບວນການກາແດງ
+ ຮອງລັດຖະມົນຕີກະຊວງແຮງງານສຳເລັດການເຂົ້າຮ່ວມກອງປະຊຸມສະມັດຊາໃຫຍ່ອົງການແຮງງານສາກົນທີ່ສະວິດເຊີແລນ
ທ່ານຮອງລັດຖະມົນຕີ ກ່າວວ່າ: ການນຳໃຊ້ລະຫັດສາລະບານອາຊີບ 6 ໂຕເລກ ຂອງ ລາວມັນມີບົດບາດ ແລະ ຄວາມ ສຳຄັນຫລາຍຕໍ່ການນໍາໃຊ້ເຂົ້າໃນການພັດທະນາກຳລັງແຮງງານ, ການເກັບຂໍ້ມູນດ້ານອາ ຊີບຕ່າງໆໃຫ້ເປັນລະບົບໃນ ຂອບເຂດທົ່ວປະເທດ ແລະ ເພື່ອເປັນບ່ອນອີງໃຫ້ແກ່ການຈັດ ຕັ້ງປະຕິບັດວຽກງານຂອງຕົນ, ນອກນີ້ຍັງເປັນການສ້າງໂອ ກາດໃຫ້ ຜູ້ ໃຊ້ແຮງງານ, ຜູ້ອອກແຮງງານ ແລະ ຜູ້ທີ່ພວມຊອກ ຫາວຽກເຮັດງານທຳກໍຄືນັກຮຽນທີ່ຈົບມາ ໃໝ່ໃນສະຖາບັນການສຶກສາຕ່າງໆ, ໃຫ້ເຂົາເຈົ້າເຫລົ່ານັ້ນໄດ້ຮັບຂໍ້ມູນຂ່າວ ສານຕະ ຫລາດແຮງງານຢ່າງຖືກຕ້ອງ, ທັງເປັນການສ້າງໂອກາດໃຫ້ບັນດາສູນເຝິກວິຊາຊີບ ແລະ ຜູ້ທີ່ຕ້ອງການເຝິກອົບຮົມເພື່ອຍົກລະດັບສີມືແຮງງານ ຂອງຕົນໃນການຮັບຂໍ້ມູນ ຕະຫລາດ ແຮງງານ. ນອກນີ້ລະຫັດສາລະບານດັ່ງກ່າວຍັງຈະຖືກນຳເຂົ້າໃນການສໍາຫລວດກຳລັງແຮງງານຂອງລາວອີກດ້ວຍ.
