ໜຶ່ງຄວາມຫວັງ ‘ຈີນ’ ທົດລອງ ‘ວັກແຊງໂຄວິດ’ ໄລຍະ 1 ກະຕຸ້ນພູມຄຸ້ມກັນດີ
ນັກວິໄຈຈີນ ເຜີຍ ຜົນທົດລອງ “ວັກແຊງໂຄວິດ” ໄລຍະ 1 ໄດ້ຜົນໜ້າພໍໃຈ ປອດໄພ ແລະ ກະຕຸ້ນພູມຄຸ້ມກັນມະນຸດໄດ້ດີ.
ສຳນັກຂ່າວຊິນຮົວ ລາຍງານວ່າ: ວາລະສານການແພດເດິ ແລນເຊັດ (The Lancet) ເປີດເຜີຍວ່າ: ການທົດລອງວັກແຊງຕ້ານໄວຣັສໂຄໂຣນາສາຍພັນໃໝ່ (ໂຄວິດ-19) ຂອງຈີນ ເຊິ່ງເປັນວັກແຊງໂຄວິດ-19 ຊະນິດທຳອິດທີ່ຜ່ານການທົດລອງທາງຄລີນິກໄລຍະທີ 1 ປາກົດຜົນເປັນໜ້າພໍໃຈ ເຊິ່ງພົບວ່າ: ມີຄວາມປອດໄພ, ທົນທານ ແລະ ສ້າງການຕອບສະໜອງທາງພູມຄຸ້ມກັນຕ້ານເຊື້ອໄວຣັສດັ່ງກ່າວໃນມະນຸດໄດ້.
ສາສະດາຈານ ເສິນ ເວຍ ນັກວິໄຈຈາກສະຖາບັນເຕັກໂນໂລຊີຊີວະພາບປັກກິ່ງ ເຊິ່ງຮັບຜິດຊອບການສຶກສາຄັ້ງນີ້ ຊີ້ວ່າ: ຜົນລັບເຫລົ່ານີ້ຖືເປັນນິມິດໝາຍສຳຄັນ ໂດຍການທົດລອງພົບວ່າ: ວັກແຊງໂຄວິດ-19 ຊະນິດທີ່ໃຊ້ອະດິໂນໄວຣັສ ໄທ 5 ເປັນຕົວນຳພາ (Ad5-nCoV) ຜະລິດແອນຕິບໍດີ ແລະ ເຊລທີ (T cell) ແບບສະເພາະໄວຣັສພາຍໃນ 14 ວັນນັ້ນ ເປັນວັກແຊງທີ່ມີປະສິດທິພາບສຳລັບການກວດສອບເພີ່ມຕື່ມ.
ການສຶກສາຄັ້ງນີ້ລະບຸວ່າ: ຜົນລັບທີ່ໄດ້ສະທ້ອນສັນຍານທີ່ດີຂອງການພັດທະນາວັກແຊງໂຄວິດ-19 ແຕ່ຍັງອີກດົນກວ່າຈະໄດ້ວັກແຊງພ້ອມໃຊ້ກັບທຸກຄົນ.
