ທຣຳ ຍື່ນຄຳຂາດ ຕໍ່ ອົງການອະນາໄມໂລກ (WHO)

ໂດຍ: ລູກເມືອງພວນ

 ທຣຳ ປະກາດວ່າຕົນເອງໄດ້ຍື່ນຄຳຂາດ ຕໍ່ຜູ້ອຳນວຍການໃຫ່ຍ ອົງການອະນາໄມໂລກ ຫຼື WHO ທ່ານ Tedros ແລະ ຂູ່ວ່າຈະຕັດການຊ່ວຍເຫຼືອງົບປະມານຕະຫຼອດການ, ຖ້າຫາກອົງການດັ່ງກ່າວບໍ່ “ແກ້ໄຂໃຫ້ດີຂຶ້ນ” ພາຍໃນ 30 ວັນທີ່ຈະມາເຖິງ.

“ພວກເຮົາບໍ່ມີເວລາໃຫ້ເສຍໄປລ້າໆ” ທຣຳ ຂຽນຈົດໝາຍເຖິງຜູ້ອຳນວຍການໃຫ່ຍ ອົງການຈັດຕັ້ງແພດສາກົນ (WHO) ທ່ານ Tedros Adhanom Ghebreyesus ທີ່ຖືກເຜີຍແຜ່ໃນ ທະວິດເຕີ. “ນັ້ນຄືເຫດຜົນທີ່ທີ່ຂ້ອຍໃນນາມເປັນປະທານາທິບໍດີສະຫະລັດອາເມລິກາ, ໄດ້ແຈ້ງໃຫ້ທ່ານຊາບວ່າ ຖ້າ WHO ຫາກບໍ່ໃຫ້ຄຳໝັ້ນສັນຍາເພື່ອແກ້ໄຂບັນຫາໃຫ້ດີຂຶ້ນ ພາຍໃນ 30 ວັນທີ່ຈະມາເຖິງ, ຂ້ອຍຈະແຊ່ແຂງງົບປະມານໃຫ້ WHO ທັນທີ ແລະ ຈະເບິ່ງຄືນວ່າໃນນາມຕົນເອງເປັນສະມາຊິກ ໃນການຈັດຕັ້ງດັ່ງກ່າວ” ທຣຳ ກ່າວ.