ລັດຖະບານຍີ່ປຸ່ນເຜີຍສາເຫດຂ້າໂຕຕາຍຫລຸດລົງ 20% ໃນໄລຍະໂຄວິດ-19
ກະຊວງສາທາລະນາສຸກ ແລະ ສະຫວັດດີການຍີ່ປຸ່ນ ໃຫ້ຮູ້ວ່າ: ອັດຕາການຂ້າໂຕຕາຍໃນເດືອນເມສາ ທີ່ຜ່ານມາມີຢູ່ປະມານ 1.455 ຄົນ, ຫລຸດລົງ 19.8% ເມື່ອທຽບກັບໄລຍະດຽວ ກັນຂອງປີ 2019 ສູງປະມານ 1.814 ຄົນ ຫລື ຕ່ຳທີ່ສຸດໃນໄລຍະ 5 ປີທີ່ຜ່ານມາ.
ສ່ວນສາເຫດເບື້ອງຫລັງຂອງເລື່ອງນີ້ ກະຊວງດ່ັງກ່າວເຊື່ອວ່າໜ້າຈະເປັນເພາະຄົນຍີ່ປຸ່ນໃນຈຳນວນຫລາຍບໍ່ໄດ້ເຂົ້າໄປເຮັດວຽກເນື່ອງຈາກການແຜ່ລະບາດຂອງ ເຊື້ອໄວຣັສໂຄໂຣນາ-19 .
ເຖິງວ່າ ຄົນຈະຂ້າໂຕຕາຍນ້ອຍລົງ ກໍຕາມແຕ່ກໍມີຄົນອາຍຸນ້ອຍທີ່ຕັດສິນໃຈຂ້າໂຕຕາຍຫລາຍຂຶ້ນ.
ປີ 2019 ທີ່ຜ່ານມາ ມີຊາວຍີ່ປຸ່ນອາຍຸບໍ່ຮອດ 20 ປີ ປະມານ 659 ຄົນ ທີ່ເລືອກຈົບຊີວິດຕົນເອງ ເພີ່ມຂຶ້ນ 60 ຄົນ ຈາກປີກ່ອນ.
ຢ່າງໃດກໍຕາມ ທ່ານ ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ປະກາດຍົກເລິກພາວະສຸກເສີນ 39 ແຂວງທົ່ວປະເທດ ຈາກທັງໝົດ 47 ແຂວງ ບໍ່ລວມພື້ນທີ່ຍັງມີຄວາມສ່ຽງແຜ່ລະບາດສູງ ເຊັ່ນ: ໂຕກຽວ, ໂອຊາກາ, ກຽວໂຕ ແລະ ຮອກໄກໂດ ເຊິ່ງ ທ່ານ ອາເບະ ໃຫ້ເຫດຜົນວ່າ: ຍີ່ປຸ່ນຈະຕ້ອງເດີນໜ້າ ໃຊ້ຊີວິດ ແລະ ການເຮັດງານປົກກະຕິໄວໆນີ້.
ຂໍຂອບໃຈຂໍ້ມູນ :Daily Mail
ພາບ :Kazuhiro NOGI / AFP
