ຣັດເຊຍ ສັ່ງຢຸດການນຳໃຊ້ເຄື່ອງຊ່ວຍຫາຍໃຈທີ່ຜະລິດພາຍໃນປະເທດ
ຂໍ້ມູນຈາກສຳນັກງານບໍລິການສາທາລະນະສຸກແຫ່ງຊາດ ຂອງຣັດເຊຍ (Ross Draft – Nad Mysore) ເປີດເຜີຍ ເມື່ອບໍ່ດົນມານີ້ວ່າ: ຣັດເຊຍ ສັ່ງຢຸດການນຳໃຊ້ເຄື່ອງຊ່ວຍຫາຍໃຈທີ່ຜະລິດພາຍໃນປະເທດບາງລຸ້ນທີ່ຜະລິດຫລັງວັນທີ 1 ເມສາຜ່ານມາ, ຕາມທີ່ມີຂ່າວໂຮງໝໍ 2 ແຫ່ງຖືກໄຟໄໝ້ ໂດຍອາດກ່ຽວຂ້ອງກັບເຄື່ອງຊ່ວຍຫາຍໃຈເຮັດໃຫ້ມີຜູ້ຕິດເຊື້ອ ໂຄວິດ-19 ຈຳນວນ 5 ຄົນ ເສຍຊີວິດ ແລະ ໂຮງໝໍ ໃນນະຄອນຫລວງ ມົດສະກູ ທີ່ໄຟໄໝ້ ມີຜູ້ເສຍຊີວິດອີກ 1 ຄົນ, ເຊິ່ງໂຮງໝໍທີ່ເກີດເຫດທັງ 2 ແຫ່ງນັ້ນ ໄດ້ໃຊ້ເຄື່ອງຊ່ວຍ ຫາຍໃຈ ລຸ້ນອາເວນຕາ-ເອັມ (Aventa-M). ຂະນະດຽວກັນ ຣັດເຊຍ ມີຜູ້ຕິດເຊື້ອໂຄວິດ-19 ລາຍໃໝ່ 10.028 ຄົນ ເຮັດໃຫ້ຍອດ ຜູ້ຕິດເຊື້ອ ສະສົມເພີ່ມເປັນ 242.271 ຄົນ ເປັນອັນດັບ 3 ຂອງໂລກ ແລະ ມີຜູ້ເສຍຊີວິດ ເພີ່ມຂຶ້ນ 96 ຄົນ ລວມເປັນ 2.212 ຄົນ.
