ໂຕກຽວ ໃກ້ຈະໝົດຕຽງໃຫ້ຄົນເຈັບນອນແລ້ວ

ໂດຍ: ລູກເມືອງພວນ

ກະຊວງສາທາລະນະສຸກ ຍີ່ປຸ່ນ ໃຫ້ຮູ້ວ່າ ຜູ້ເຂົ້າໂຮງໝໍຈາກການຕິດເຊື້ອໂຄວິດ-19 ຢູ່ໃນ ໂຕກຽວປັດຈຸບັນກວມເອົາ 90% ຂອງຕຽງນອນຄົນເຈັບທັງໝົດທີ່ກະກຽມໄວ້.

ວັນທີ 10 ພຶດສະພານີ້, ກະຊວງສາທາລະນະສຸກຍີ່ປຸ່ນ ໃຫ້ຮູ້ວ່າ ມີຜູ້ຕິດເຊື້ອໂຄວິກ-19 ເຂົ້າປິ່ນປົວຢູ່ໃນໂຮງໝໍ ໂຕກຽວ1.832 ຄົນ, ໄລ່ມາເຖິງວັນທີ 28 ເມສາຜ່ານມາກວມ 91,6%, ໃນນັ້ນມີ 2.000 ຕຽງທີ່ໄດ້ກະກຽມໄວ້. ອຳນາດການປົກຄອງຍີ່ປຸ່ນມີແຜນຈະເພີ່ມຕຽງນອນຄົນເຈັບຂຶ້ນເປັນ 4.000 ຕຽງ ເພາະສະຖານະການໂຄວິດ-19 ອາດແຜ່ລະບາດຫຼາຍກວ່ານີ້. ສະນັ້ນຈຶ່ງມີຄວາມຈຳເປັນຕ້ອງເພີ່ມຕຽງນອນຄົນເຈັບຂຶ້ນໃຫ້ຫຼາຍກວ່າ 2.000 ຕຽງໃນປັດຈຸບັນ.

ຢູ່ໂຕກຽວມີປະມານ 5.000 ຄົນຕິດເຊື້ອໂຄວິດ, ກວມ 1/3 ໃນຈຳນວນຜູ້ຕິດເຊື້ອທັງໝົດ 16.000 ຄົນ. ເມື່ອໄລ່ມາເຖິງວັນທີ 28 ເມສາຜ່ານມາ ມີຜູ້ເຂົ້ົ້າໂຮງໝໍທັງໝົດ 5.558 ຄົນ.

ລັດຖະມົນຕີກະຊວງເສດຖະກິດຍີ່ປຸ່ນ Yasutoshi Nishimura ໃນມື້ນີ້ຖະແຫຼງວ່າ ລັດຖະບານຈະຕ້ອງໄດ້ຍົກເລີກພາວະສຸກເສີນກ່ອນກຳນົດຕໍ່ກັບຂົງເຂດທີ່ບໍ່ໄດ້ຮັບຜົນກະທົບຮ້າຍແຮງເຊັ່ນ: ໂຕກຽວ, ໂອຊາກະ ແລະ 11 ເຂດອື່ນອີກ.

ອາທິດແລ້ວນີ້, ລັດຖະບານຍີ່ປຸ່ນ ໄດ້ຢືດເວລາສຸກເສີນອອກໄປຕື່ມອີກ ເພື່ອສະກັດກັ້ນການລະບາດຂອງໂຄວິດ-19, ຈົນເຖິງວັນທີ 31 ພຶດສະພານີ້, ແຕ່ຈະປະເມີນສະຖານະການຄືນໃນວັນທີ 14 ພຶດສະພານີ້. ປັດຈຸບັນ ຍີ່ປຸ່ນມີຜູ້ຕິດເຊື້ອທັງໝົດ 15.777 ກໍລະນີ ແລະ ມີຜູ້ເສຍຊີວິດ 624 ຄົນ.