ອາຫານບຳລຸງກະດູກ, ຂໍ້ຕໍ່ ແລະ ກ້າມຊີ້ນ

ນອກຈາກການອອກກຳລັງກາຍທີ່ຊ່ວຍເພີ່ມຄວາມແຂງແຮງໃຫ້ກະດູກ, ຂໍ້ຕໍ່ ແລະ ກ້າມຊີ້ນແລ້ວ ອາຫານກໍເປັນສິ່ງຕື່ມເຕັມ ແລະ ເສີມສ້າງໃຫ້ແຂງແຮງຍິ່ງຂຶ້ນ.

ກະດູກ : ການອອກກຳລັງກາຍເປັນປະຈຳຮ່ວມກັບການກິນອາຫານທີ່ມີທາດການຊຽມຫລາຍ ເຊັ່ນ : ນົມງົວ, ໂຢເກິດທຳມະຊາດ, ຊີສ, ເຕົ້າຫູ້, ຖົ່ວເຫລືອງຊະນິດແຂງ, ງາດຳ ແລະ ຜັກຕ່າງໆ ເຊັ່ນ : ຜັກແພວ, ຜັກກະເດົາ, ຜັກຂີ້ເຫລັກ, ຜັກກາດນາ ເປັນຕົ້ນ.
ຄວບຄຸມນຳ້ໜັກບໍ່ໃຫ້ເກີນເກນມາດຕະຖານ, ອອກກຳລັງກາຍຕາມຄວາມເໝາະສົມຂອງຕົນເອງ (ປຶກສາຜູ້ຊ່ຽວຊານ), ກິນອາຫານທີ່ມີວິຕາມິນ ແລະ ໂປຣຕິນເປັນປະຈຳ.

ກ້າມຊີ້ນ : ໂປຣຕິນ ເຊັ່ນ : ຊີ້ນສັດທຸກຊະນິດ, ນົມ, ໄຂ່, ຊີສ, ເຕົ້າຫູ້, ຖົ່ວ, ອາຫານຄາບຫລັກຄວນມີລາຍການອາຫານເປັນຊີ້ນສັດ, ໄຂ່ ຫລື ເຕົ້າຫູ້, ບໍ່ຄວນປຸງແຕ່ງອາຫານດ້ວຍນຳ້ມັນຫລາຍເກີນໄປ.
ວິຕາມິນເບ ເຊັ່ນ : ເຂົ້າເໝົ້າ, ເຂົ້າກໍ່າ, ເຂົ້າເບລ, ທັນຍາພືດຕ່າງໆ, ຊີ້ນສັດບໍ່ຕິດໄຂມັນ, ຂາໄກ່, ຜັກສີຂຽວເຂັ້ມ.
ທາດເຫລັກ ເຊັ່ນ : ຊີ້ນໝູ, ຊີ້ນງົວ, ເຄື່ອງໃນສັດ, ເລືອດສັດ (ຄວນປຸງແຕ່ງໃຫ້ສຸກດີ), ຜັກບາງຊະນິດ ເຊັ່ນ : ຜັກແວ່ນ, ຜັກກູດ, ຜັກຂີ້ເຫລັກ, ໝາກເຂືອເຜາະ ເປັນຕົ້ນ.