ຫາລືການນຳເອົາປະຫວັດສາດລາວເຂົ້າເປັນຄວາມຊົງຈຳໂລກ

ວັນທີ 13 ມີຖຸນານີ້, ກົມມໍລະດົກ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວຮ່ວມກັບອົງການອຸຍແນສໂກ, ໄດ້ຈັດກອງປະຊຸມປຶກສາຫາ ລືກ່ຽວກັບກາລະໂອກາດ ໃນການຈັດຕັ້ງປະຕິບັດແຜນການອຸຍແນສໂກ ວ່າດ້ວຍຄວາມຊົງຈຳຂອງໂລກ (MOW), ຂຶ້ນທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານຮອງຫົວໜ້າກົມມໍລະດົກ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີຜູ້ຕາງໜ້າຈາກອົງການອຸຍແນສໂກເຂົ້າຮ່ວມນຳ.

+ ລາວ-ຈີນຫາລືການຮ່ວມມືທາງດ້ານການທ່ອງທ່ຽວ

+ ຮອງລັດຖະມົນຕີກະຊວງແຮງງານສຳເລັດການເຂົ້າຮ່ວມກອງປະຊຸມສະມັດຊາໃຫຍ່ອົງການແຮງງານສາກົນທີ່ສະວິດເຊີແລນ

ຮອງຫົວໜ້າກົມມໍລະດົກ ກ່າວວ່າ: ເພື່ອປຶກສາຫາລືກ່ຽວ ກັບການຈັດຕັ້ງປະຕິບັດແຜນ ການອຸຍແນສໂກ ວ່າດ້ວຍຄວາມ ຊົງຈຳຂອງໂລກ (MOW), ເຊິ່ງສືບຕໍ່ຈາກກອງປະຊຸມວ່າ ດ້ວຍ ຄວາມຊົງຈຳຂອງໂລກລະ ຫວ່າງອາຊຽນ+3 ທີ່ ສປປ ລາວ ກໍໄດ້ເຂົ້າຮ່ວມ ແລະ ພິເສດໃນປີ 2014 ລາວກໍໄດ້ນຳສະເໜີຮູບ ເງົາ ແນວລາວຮັກຊາດ, ເຊິ່ງຖືກ ຈົດທະບຽນເປັນ ຄວາມຊົງຈຳ ລະດັບພາກພື້ນແລ້ວ, ດັ່ງນັ້ນ ເພື່ອເປັນການສືບຕໍ່ນຳເອົາ ຄວາມຊົງຈໍາ ແລະ ວັດທະນະທຳ ຕ່າງໆຂອງລາວ ເຂົ້າໄປບັນທຶກ ໄວ້ໃນຄວາມຊົງຈຳລະດັບ ພາກ ພື້ນ ແລະ ລະດັບໂລກໃຫ້ນັບມື້ນັບຫລາຍຂຶ້ນເພື່ອໃຫ້ໂລກຮັບຮູ້ ສປປ ລາວຫລາຍຂຶ້ນ, ໂດຍສະເພາະການທ່ອງທ່ຽວທາງດ້ານ ປະຫວັດສາດ, ເຊິ່ງປັດຈຸບັນມີພຽງການທ່ອງທ່ຽວທາງວັດ ທະນະທຳ ແລະ ທຳມະຊາດເທົ່ານັ້ນ, ພ້ອມນີ້ຍັງເປັນຂໍ້ມູນທາງປະຫວັດສາດໃຫ້ເຍົາວະຊົນຮຸ້ນຫລັງໄດ້ນຳໄປຊອກຫາຮຽນ ຮູ້ອີກດ້ວຍ. ຂະນະດຽວກັນກໍຍັງມີຂໍ້ຈຳກັດຫລັກໆແມ່ນທາງດ້ານພາສາ, ເພາະເອກະສານທີ່ຈະນຳສົ່ງ ຕ້ອງເປັນ 2 ພາສາ ຄື: ພາສາຝຣັ່ງ ແລະ ພາສາອັງກິດ, ພ້ອມນີ້ຍັງມີຂໍ້ຈຳກັດທາງດ້ານຄວາມຮູ້ວິຊາການຂອງພວກເຮົາ ແລະ ປະສານງານພາຍໃນກໍຍັງ ມີລັກສະນະຈົ່ງຈຽມ ແລະ ບໍ່ ເຂົ້າໃຈເລິກກ່ຽວກັບວຽກງານດັ່ງກ່າວ.