ສສຫວຽດນາມຊ່ວຍຍົກລະດັບ ທັກສະວິເຄາະຂໍ້ມູນຂ່າວສານໃຫ້ສື່ມວນຊົນລາວ

ເນື່ອງຈາກໃນປັດຈຸບັນນີ້ ສື່ສັງຄົມອອນລາຍໄດ້ຂະຫຍາຍ ຕົວຢ່າງໄວວາ, ອັນໄດ້ສົ່ງຜົນກະ ທົບບໍ່ໜ້ອຍຕໍ່ຜູ້ນຳໃຊ້ຂໍ້ມູນຂ່າວ ສານຕ່າງໆ ໃນສັງຄົມ, ດັ່ງນັ້ນ ສະຖາບັນສື່ມວນຊົນ, ວັດທະນະ ທຳ ແລະ ທ່ອງທ່ຽວ, ໂດຍການ ຮ່ວມມືຈາກກະຊວງຖະແຫລງ ຂ່າວ ແລະ ສືສານຫວຽດນາມ ໄດ້ຈັດຊຸດອົບຮົມຍົກສະດັບທັກ ສະການວິເຄາະຂໍ້ມູນຂ່າວສານ ແລະ ບັນນາ ທິການຂ່າວສານ ທາງອິນເຕີເນັດຂຶ້ນໃນລະຫວ່າງ ວັນທີ 12-16 ມິຖຸນານີ້ ທີ່ນະ ຄອນຫລວງວຽງຈັນ, ໂດຍການ  ເຂົ້າຮ່ວມເປີດຊຸດອົບຮົມດັ່ງກ່າວ ຂອງທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະ ແຫລງຂ່າວ, ວັດທະນະທຳ ແລະ  ທ່ອງທ່ຽວ ແລະ ທ່ານ ຮວາງ ບິງ ບ້າວ ຮອງລັດຖະມົນຕີກະຊວງຖະແຫລງຂ່າວ ແລະ ສື່ສານ ສສ ຫວຽດນາມ.

ໃນພິທີ ທ່ານ ຮອງລັດຖະ ມົນຕີທັງສອງຕ່າງໄດ້ມີຄຳເຫັນ ວ່າ: ການເຝິກອົບຮົມດັ່ງກ່າວ ມັນມີຄວາມສຳຄັນຍິ່ງຕໍ່ນັກຂ່າວ  ແລະ ນັກບັນນາທິການສື່ມວນ ຊົນລາວເຮົາ. ເພື່ອມີຄວາມສາ ມາດຕອບໂຕ້ກັບສິ່ງທ້າທາຍ ຂອງສື່ສັງຄົມອອນລາຍເພາະ ສື່ດັ່ງກ່າວມັນສາມາດເຂົ້າເຖິງທຸກຊັ້ນຄົນໄດ້ງ່າຍ ແລະ  ມີທັງດ້ານບວກ ແລະ ດ້ານລົບຂອງມັນ, ໂດຍສະເໝາະຂ່າວລືຊວນເຊື່ອຕ່າງໆອາດເຮັດໃຫ້ ຜູ້ນຳໃຊ້ມີຄວາມເຂົ້າໃຈຜິດຕໍ່ກັບບັນຫາ.

ດັ່ງນັ້ນການວິເຄາະຂໍ້ມູນ ຂ່າວສານຜ່ານສື່ດັ່ງກ່າວຈິ່ງມີຄວາມສຳຄັນຍິ່ງເພື່ອຈະຮູ້ຄັດເລືອກເອົາຂໍ້ມູນຂ່າວສານທີ່ຖືກຕ້ອງ ແລະ ສາລະທີ່ເປັນຜົນປະ ໂຫຍດຕໍ່ສັງຄົມ, ໂດຍບົດຮຽນ ແລະ ປະສົບການຈາກຄູອາຈານ  ແລະ ຊ່ຽວຊານ ສສ ຫວຽດນາມໃນຄັ້ງນີ້.

+ ລາວ-ຫວຽດນາມ ຮ່ວມວາງສະແດງຜົນງານ ວິຈິດສິນຂຶ້ນທີ່ນະຄອນຫລວງວຽງຈັນ

+ ຮອງນາຍົກລັດຖະມົນຕີ ສອນໄຊ ສີພັນດອນ ໄຫວຢ້ຽມຢາມແຂວງຈຳປາສັກ

ຂ່າວໃຫ້ຮູ້ອີກວ່າ: ໂດຍໄດ້ ຮັບການຮ່ວມມືຊ່ວຍເຫລືອຈາກ  ອົງການ AIBD ປະເທດອົດສະ ຕາລີ, ວິທະຍຸກະຈາຍສຽງແຫ່ງ ຊາດກໍໄດ້ຈັດຊຸດອົບຮົມຍົກລະ ດັບຄວາມສາມາດ ໂຄສະ ນາຜ່ານຮູບແບບສື່ໃໝ່ໃຫ້ຖືກຕ້ອງ ແລະ ມີປະສິດທິຜົນພາຍໃຕ້ຫົວຂໍ້  “ ສື່ໃໝ່, ສື່ສັງຄົມ ແລະ ການຜະ ລິດລາຍການວິທະຍຸ” ຂຶ້ນທີ່ສູນນະຄອນຫລວງວຽງຈັນ ໃນລະຫວ່າງ ວັນທີ 11-14 ມິຖຸນານີ້, ໂດຍມີນັກຂ່າວ, ບັນນາທິການ ຈາກສື່ຕ່າງໆ ຂອງລາວເຂົ້າ ຮ່ວມເປັນຈຳນວນຫລາຍ. ເຊິ່ງ ການອົບຮົມດັ່ງກ່າວມັນມີຄວາມ  ຈຳເປັນຫລາຍຂອງ ສື່ມວນຊົນ ໃນປັດ ຈຸບັນເພາະສື່ໃໝ່ໄດ້ເຂົ້າມາມີບົດບາດຫລາຍຂຶ້ນຕໍ່ຜູ້ບໍລິ ໂພກຂໍ້ມູນຂ່າວສານ, ສົ່ງຜົນກະ ທົບບໍ່ໜ້ອຍຕໍ່ສື່ແບບເກົ່າທີ່ມີ ຂອບເຂດຈຳກັດກວ່າໃນການກະຈາຍ ຂໍ້ມູນຂ່າວສານ. ສ່ວນສື່ໃໝ່ດັ່ງກ່າວເປັນສື່ທີ່ບໍ່ມີພົມ ແດນທຸກຄົນສາມາດເຂົ້າໄປນຳໃຊ້ໄດ້ຈິ່ງເຮັດໃຫ້ເກີດມີຂ່າວບໍ່ດີຕ່າງໆເກີດຂຶ້ນ ເຊິ່ງສື່ທາງການພວກເຮົາຈະຕ້ອງໄດ້ມີ ທັກ ສະນະການວິເຄາະຂໍ້ມູນ ຂ່າວສານທີ່ດີເພື່ອຕອບສະໜອງໃຫ້ສັງຄົມໄດ້ຢ່າງຖືກຕ້ອງ  ແລະ  ວອງໄວທັນການ.