ຍີ່ປຸ່ນ ຂະຫຍາຍເວລາສະຖານະການສຸກເສີນໄປເຖິງທ້າຍເດືອນນີ້
ແຫລງຂ່າວຈາກໂຕກ່ຽວລາຍງານໃຫ້ຮູ້ວ່າ: ທ່ານ ຊິນໂຊ ອາເບະ ນາຍົກລັດຖະມົນຕີ ຍີ່ປຸ່ນ ໄດ້ຂະຫຍາຍປະກາດສະຖານະການສຸກເສີນພາຍໃນປະເທດຕໍ່ໄປນັບແຕ່ ວັນທີ 4 ພຶດສະພານີ້ ໄປຈົນເຖິງ ທ້າຍເດືອນນີ້ ເພື່ອຄວບຄຸມການແຜ່ລະບາດ ຂອງເຊື້ອພະຍາດ ໂຄວິດ-19 ແລະ ຍັງຈະກຳນົດມາດຕະການໃໝ່ໃນການປ້ອງກັນ ໂຄວິດ-19 ທີ່ມີຜູ້ຕິດເຊື້ອແລ້ວ 15.000 ຄົນ ແລະ ເສຍຊີວິດ 500 ກວ່າຄົນ.
ນອກຈາກນີ້, ຍັງຈະຫລຸດຜ່ອນບາງມາດຕະການກ່ຽວກັບກິດຈະກຳທາງດ້ານເສດຖະກິດໂດຍອະນຸມາດໃຫ້ສະຖານ ທີ່ບາງແຫ່ງທີ່ມີຄວາມສ່ຽງຕ່ຳ ເຊັ່ນ: ສວນສາທາລະນະໃນການເປີດໃຫ້ບໍລິການແກ່ປະຊາຊົນແມ້ແຕ່ໃນແຂວງທີ່ມີການແຜ່ ລະບາດຮຸນແຮງ ສຳລັບການປະກາດສະຖານະການສຸກເສີນນັ້ນໃຫ້ອຳນາດແກ່ຜູ້ວ່າການແຕ່ລະແຂວງ ໃນການຂໍໃຫ້ປະຊາຊົນຢູ່ພາຍໃນ ເຄຫາສະຖານ ແລະ ປິດການ ດຳເນີນງານຂອງທຸລະກິດຕ່າງໆ.
