ທຣຳ ໝັ້ນໃຈວ່າ ທ້າຍປີນີ້ຈະມີວັກແຊັງໂຄວິດ-19
May 4, 2020 - 12:07 PM
ໂດຍ: ລູກເມືອງພວນ
ວັນທີ 3 ພຶດສະພານີ້, ປະທານາທິບໍດີ ໂດນັລທຣຳ ໃຫ້ຮູ້ວ່າ ເຂົາ “ໝັ້ນໃຈ” ວ່າທ້າຍປີນີ້ ສະຫະລັດອາເມລິກາ ຈະຜະລິດ ວັກແຊັງໄດ້.
ໃນຂະນະທີ່ຕອບສຳພາດກັບຊ່ອງໂທລະທັດ Fox News ທຣຳ ບອກໃຫ້ຮູ້ວ່າ ປັດຈຸບັນມີຫຼາຍບໍລິສັດ ໄດ້ຄົ້ນຄວ້າຜະລິດວັກແຊັງໃກ້ຈະສຳເລັດແລ້ວ. “ຂ້ອຍຄິດວ່າພວກເຮົາຈະມີວັກແຊັງໃນໄວໆນີ້ ແທນຄຳວ່າຈະຊ້າໄປກວ່ານີ້”.
ໃນຂະນະນີ້, ສະຫະລັດ ແລະ ປະເທດຕ່າງໆກຳລັງຊ່ວງເສັງກັນຜະລິດວັກແຊັງໃຫ້ໄດ້ເປັນປະເທດທຳອິດ. ທຣຳ ກ່າວວ່າ: “ຖ້າປະເທດໃດຫາກມີຜົນສຳເລັດກ່ອນ ຂ້ອຍຈະຂໍຍໍມືນົບ”. ທ່ານເວົ້າຕໍ່ໄປວ່າ: “ຂ້ອຍບໍ່ສົນໃຈວ່າປະເທດໃດຈະສຳເລັດກ່ອນ ຂໍພຽງໃຫ້ມີວັກແຊັງທີ່ມີປະສິດທິຜົນກໍພໍ”.
ທຣຳ ມີຄວາມໝັ້ນອົກໝັ້ນໃຈວ່າ ຕົນເອງໄດ້ລໍ້າໜ້າກັບຫຼາຍຄົນ ໃນຄະນະທີ່ປຶກສາຂອງຕົນ ໃນການຄາດເດົາກ່ຽວກັບວັກຊີນ.
ປັດຈຸບັນ ສະຫະລັດເປັນເຂດລະບາດໃຫ່ຍທີ່ສຸດໃນໂລກ, ມີ 1,2 ລ້ານຄົນຕິດເຊື້ອ ແລະ 69.000 ຄົນເສຍຊີວິດ.
