ຈີນ ທົດລອງນຳໃຊ້ເງິນ ອີເລັກໂຕຣນິກ

ໂດຍ: ລູກເມືອງພວນ

ລັດຖະບານຈີນຈະເລີ່ມທົດລອງນຳໃຊ້ເງິນ ອີເລັກໂຕຣນິກ ຢູ່ 4 ຕົວເມືອງໃຫ່ຍ ໃນອາທິດໜ້ານີ້.

ໜັງສືພິມຈີນ ເດລີ, ວັນທີ 28 ເມສາໃຫ້ຮູ້ວ່າ ເງິນຢວນອີເລັກໂຕຣນິກ ຈະຖືກນຳໃຊ້ເຂົ້າໃນລະບົບເງິນຕາຢູ່ໃນເມືອງໃຫ່ຍຈຳນວນໜຶ່ງ, ໃນນັ້ນສະມາຊິກໃນຄະນະລັດຈຳນວນໜຶ່ງກໍຈະໄດ້ຮັບເງິນເດືອນໃຕ້ຮູບການ ອີເລັກໂຕຣນິກ ເລີ່ມແຕ່ເດືອນພຶດສະພານີ້ເປັນຕົ້ນໄປ.

ໜັງສີພິມ Sina News ໃຫ້ຮູ້ເພີ່ມເຕີມວ່າ ເງິນປະເພດອີເລັກໂຕຣນິກນີ້ ຈະຖືກນຳໃຊ້ເຂົ້າໃນການສຳລະຄ່າຄົມມະນາຄົມການຂົນສົ່ງຢູ່ທີ່ ເມືອງ ຊູໂຈ, ແຕ່ຢູ່ທີເມືອງ Xiong’an ແຂວງ ເຫີເປີ່ຍ ເງິນອີເລັກໂຕຣນິກນີ້ ຈະຖືກນຳໃຊ້ເຂົ້າໃນການຊື້ອາຫານການກິນ ແລະ ຊື້ເຄື່ອງຢູ່ຕາມຮ້ານຄ້າຂາຍຍ່ອຍ.

ການນຳໃຊ້ເງິນອີເລັກໂຕຣນິກຢູ່ຈີນໄດ້ຖືກນຳໃຊ້ແຜ່ຫຼາຍເປັນວົງກວ້າງໃນບໍລິສັດຕ່າງໆເຊັ່ນ: Alipay ທີ່ຂຶ້ນກັບ Alibaba, WeChat Pay, ຂຶ້ນກັບ Tencent ແຕ່ບໍ່ທັນສາມາດທີ່ຈະປ່ຽນແທນເງິນຕາໃນປັດຈຸບັນໄດ້.

ການນຳໃຊ້ເງິນສົດຈະຄ່ອຍໆຫຼຸດລົງໃນເມື່ອຫາກການສຳລະດ້ວຍເງິນອີເລັກໂຕຣນິກມີບົດບາດສູງຂຶ້ນ ແລະ ທຸກຄົນໃນປັດຈຸບັນກໍບໍ່ທັນມີຄວາມລຶ້ງເຄີຍປານໃດໃນຂະນະທີ່ມີພະຍາດລະບາດຄືແນວນີ້.