ແຟງລັງ ຈະນຳເຂົ້າຜ້າອັດປາກຈາກຈີນ 12,5 ລ້ານອັນ
April 30, 2020 - 10:41 PM
ແຫລງ ຊິນຮວາ ຂອງຈີນ ລາຍງານໃຫ້ຮູ້ວ່າ: ສຳນັກງານ ຈັດຫາອຸປະກອນການແພດສຸກເສີນແຫ່ງຊາດ ຂອງແຟງລັງ ເປີດເຜີຍວ່າ: ແຜນການ ນຳເຂົ້າ ຜ້າອັດປາກ ຈາກຈີນ ຈຳນວນ 12,5 ລ້ານອັນ ພາຍໃນເດືອນກໍລະກົດນີ້ ເພື່ອຫລຸດຜ່ອນ ການແຜ່ລະບາດຂອງເຊື້ອພະຍາດ ໂຄວິດ-19.
ສ່ວນທ່ານ ນາງ ຊານນາ ມາຣິນ ນາຍົກລັດຖະມນຕີ ແຟງລັງ ຖະແຫລງ ວ່າ: ລັດຖະບານຈະຕັດສິນໃຈ ວ່າຈະຫລຸດຜ່ອນ ຫລື ຂະຫຍາຍມາດຕະການອັນເຂັ້ມງວດສຳລັບ ໂຮງຮຽນໃນອາທິດນີ້ ແລະ ຈະປະເມີນສະຖານະການໂຄວິດ-19 ໂດຍລວມຂອງປະເທດໃນທ້າຍອາທິດໜ້າ. ຂະນະທີ່ແຟງລັງ ຕ້ອງໃຊ້ງົບປະມານກັບມາດຕະການກັກຕົວໃນປັດຈຸບັນອາທິດລະ 1,2 ຕື້ເອີໂຣ. ຂະນະທີ່ ແຟງລັງ ກວດພົບຜູ້ຕິດເຊື້ອ ໂຄວິດ-19 ທັງໝົດ 4.740ຄົນ ແລະ ເສຍຊີວິດ 199 ຄົນ.
