ອາທິດໜ້າລາວຈະປົດຂີດລອກດາວ( Lock down)

ຄະນະສະເພາະກິດຄາດວ່າຍັງອີກ 2-3 ມື້ເທົ່ານັ້ນ ຖ້າບໍ່ມີລາຍງານກໍລະນີຕິດເຊື້ອໃໝ່ ລາວເຮົາຈະປົດລອກດາວ( Lock down)ທົ່ວປະເທດ, ຊຶ່ງມາ ຮອດມື້ນີ້ ເປັນມື້ທີ່ 16-17 ແລ້ວທີ່ບໍ່ມີຜູ້ຕິດເຊື້ອພະຍາດ ໂຄວິດ-19 ໃຫມ່ໃດໆຊຶ່ງມັນເປັນການຢືນຢັນວ່າລາວເຮົາສາມາດຄວບຄຸມການລະບາດຂອງພະຍາດນີ້ໄດ້ດີ ແລະ ຖ້າຢູ່ໃນລັກສະນະນີ້ລັດຖະບານ ຈະຜ່ອນຜັນບາງມາດຕະການເພື່ອໃຫ້ປະຊາຊົນໄດ້ດໍາລົງຊີວິດປະຈໍາວັນສະດວກດີຂື້ນຄື: ຈະອະນຸຍາດ ໃຫ້ພະນັກງານ-ລັດຖະກອນໄປເຮັດວຽກເຮັດການໄດ້ປົກກະຕິ ແລະ ໃຫ້ທຸກຄົນ ສາມາດອອກຈາກເຮືອນ ໄດ້ໃນກໍລະນີມີຄວາມຈຳເປັນ, ອະນຸຍາດໃຫ້ສາມາດຈັດຝຶກອົບຮົມ, ຈັດກອງປະຊຸມທາງການ ແລະ ກິດຈະກໍາຕ່າງໆດັ່ງການໄປອອກກຳລັງກາຍ ຫຼື ຫຼີ້ນກິລາກາງແຈ້ງ, ອະນຸຍາດໃຫ້ເປີດໂຮງຮຽນ, ໂຮງຈັກໂຮງງານ ແລະ ໂຄງການຂະຫນາດໃຫຍ່ຕ່າງໆໄດ້ເປັນປົກກະຕິ.