ບຣາຊິລ ອາດກາຍເປັນສູນກາງລະບາດໂຄວິດ-19 ແຫ່ງໃໝ່ຂອງໂລກ

ໂດຍ: ລູກເມືອງພວນ

ບຣາຊິລ ກຳລັງພົ້ນເດັ່ນເປັນຈຸດຮ້ອນແຫ່ງໃໝ່ຂອງການລະບາດພະຍາດໂຄວິດ-19 ຂອງໂລກ. ໃນຂະນະທີ່ປະທານາທິບໍດີ Bolsonaro ພະຍາຍາມຢືນຢັນວ່າ ນີ້ຄື “ໄຂ້ຫວັດທຳມະດາ”.

ປັດຈຸບັນ ບຣາຊິລ ມີຜູ້ຕິດເຊື້ອທັງໝົດ 67.000 ກໍລະນີ ແລະ ເສຍຊີວິດ 4.500 ຄົນ. ແຕ່ໃນຄວາມເປັນຈິງແລ້ວອາດຈະຫຼາຍກວ່ານັ້ນ ເພາະບໍ່ໄດ້ກວດຫາເຊື້ອຢ່າງຄົບຖ້ວນ ແລະ ມີຫຼາຍຄົນຕິດເຊື້ອບໍ່ສະແດງອາການ.

ບັນດານັກວິທະຍາສາດສັນນິຖານວ່າ ອາດຈະມີຄົນ ບຣາຊິລ ຕິດເຊື້ອຫຼາຍກວ່າ 1 ລ້ານຄົນແລ້ວ, ຊຶ່ງປັດຈຸບັນຢູ່ ບຣາຊິລ ກຳລັງແມ່ນລະດູໜາວ ອາດເຮັດໃຫ້ເຊື້ອໂຄວິດ-19 ແຜ່ລະບາດໄດ້ຢ່າງໄວວາ.

ລັດຖະບານ ບຣາຊິລ ບໍ່ໄດ້ມີການປິດປະເທດ ໝາຍຄວາມວ່າຍັງປ່ອຍປະໃຫ້ປະຊາຊົນເຄື່ອນໄຫວດຳເນີນຊີວິດໄດ້ປົກະຕິ ເພື່ອບໍ່ໃຫ້ເສດຖະກິດຕົກຕໍ່າ. ເຖິງຢ່າງໃດກໍຕາມ ໃນແຕ່ລະລັດໄດ້ມີມາດຕະການໃຫ້ປະຊາຊົນຢູ່ແຕ່ໃນເຮືອນ ເພື່ອຈຳກັດການແຜ່ລາມຂອງເຊື້ອພະຍາດ.

ກາງເດືອນເມສາ ຜ່ານມາ, ປະທານາທິບໍດີ Bolsonaro ໄດ້ປົດລັດຖະມົນຕີກະຊວງສາທາລະນະສຸກອອກຈາກຕໍາແໜ່ງ ຍ້ອນຂັດແຍ່ງກັນດ້ານທັດສະນະໃນການປ້ອງກັນພະຍາດໂຄວິດ-19 ແລະ ທ່ານໄດ້ແຕ່ງຕັ້ງຜູ້ທີ່ສະໜັບສະໜູນແນວທາງຂອງເຂົາຂຶ້ນເປັນລັດຖະມົນຕີແທນ ເພື່ອຟື້ນຟຸເສດຖະກິດຄືນໃໝ່, ປະຊາຊົນໄດ້ແຫ່ກັນລົງຖະໜົນເພື່ອຄັດຄ້ານ.

ເຈົ້າໜ້າທີ່ແພດ Rio de janieiro ໃຫ້ຮູ້ວ່າ ມີຢ່າງໜ້ອນ 4 ເມືອງໃຫ່ຍທີ່ກ່າວເຕືອນວ່າ ບັນດາໂຮງໝໍປັດຈຸບັນກຳລັງງອຍຢູ່ປາກເຫວ ແລະ ຄົນປ່ວຍລົ້ນໂຮງໝໍ ຊຶ່ງບໍ່ສາມາດຈະຮັບຄົນເຈັບໄດ້ອີກ.

ຢູ່ລັດ Manaus ຕົວເມືອງທີ່ມີພົນລະເມືອງ 1,8 ລ້ານຄົນ, ໃນວັນທີ 26 ເມສານີ້ ມີຜູ້ເສຍຊີວິດ 142 ຄົນ ນັບທັງຜູ້ເສຍຊີວິດຢູ່ກັບເຮືອນ 41 ຄົນ. ພະນັກງານຮັບຜິດຊອບປ່າຊ້າໄດ້ຂຸດຂຸມຝັງລວມໝູ່ ແລະ ຂະແໜງການໃຫ້ການບໍລິການ ໂລງສົບປະກາດວ່າບໍ່ມີໂລງພຽງພໍທີ່ຈະໃຫ້ອີກແລ້ວ ແລະ ໄວ ຫຼື ຊ້າຕໍ່ໄປນີ້ ຈະມີສາກສົບປະຖິ້ມໄວ້ຂ້າງຖະໜົນກໍເປັນໄດ້.