ຈຳນວນຜູ້ຕິດເຊື້ອໂຄວິດ-19 ທົ່ວໂລກທະລຸ 2.800.000 ຄົນ
ທົ່ວໂລກຕິດເຊື້ອໂຄວິດ-19 ທະລຸ 2.800.000 ຄົນ, ເສຍຊີວິດ 195.000 ກວ່າຄົນ.
Worldometer ເຊິ່ງເປັນເວັບໄຊລາຍງານຂໍ້ມູນຫລ້າສຸດທີ່ມີການຮວບຮວມຈາກໜ່ວຍງານດ້ານສາທາລະນະສຸກທົ່ວໂລກ ລະບຸວ່າ: ຈຳນວນຜູ້ຕິດເຊື້ອໂຄວິດ-19 ທົ່ວໂລກມີ 2.801.649 ຄົນ ແລະ ຈຳນວນຜູ້ເສຍຊີວິດມີ 195.438 ຄົນ.
ປັດຈຸບັນມີການເຝົ້າຕິດຕາມເບິ່ງວ່າ: ຈຳນວນຜູ້ຕິດເຊື້ອໄວຣັສໂຄວິດ-19 ທົ່ວໂລກຈະທະລຸ 3.000.000 ຄົນເມື່ອໃດ ຫລັງຈາກຈຳນວນຜູ້ຕິດເຊື້ອເພີ່ມຂຶ້ນຈາກ 1.000.000 ຄົນ ສູ່ 2.000.000 ຄົນພາຍໃນເວລາພຽງ 2 ອາທິດ ຈາກວັນທີ 2 ເມສາ – 15 ເມສາ.
ທັງນີ້ ອາເມລິກາ ມີຈຳນວນຜູ້ຕິດເຊື້ອໄວຣັສໂຄວິດ-19 ສູງສຸດໃນໂລກ (903.775), ຮອງລົງມາຄືສະເປນ (219.764), ອິຕາລີ (192.994), ຝຣັ່ງ (159.828), ເຢຍລະມັນ (154.159), ສະຫະຣາຊະອານາຈັກ (143.464) ແລະ ຕວກກີ (104.912).
ນອກຈາກນີ້ ອາເມລິກາຍັງເປັນປະເທດທີ່ມີຈຳນວນຜູ້ເສຍຊີວິດສູງສຸດໃນໂລກ (50.988), ຮອງລົງມາອິຕາລີ (25.969), ສະເປນ (22.524), ຝຣັ່ງ (22.245) ແລະ ສະຫະຣາຊະອານາຈັກ (19.506).
