ຜູ້ເປັນແມ່ ຊາວອາເມລິກາ ແຜ່ເຊື້ອໂຄວິດ-19 ໃສ່ລູກ 17 ຄົນ

ໂດຍ: ລູກເມືອງພວນ

ນາງ Brittany Jencik ຢູ່ທີ່ New York ສະຫະລັດອາເມລິກາ, ມີລູກ 18 ຄົນ, ໃນນັ້ນຈຳນວນໜຶ່ງເປັນລູກລ້ຽງ. ຜູ້ເປັນແມ່ຄົນນີ້ຕິດເຊື້ອໄວຣັດໂຄວິດ-19 ໂດຍບໍ່ສະແດງອາການແຕ່ຢ່າງໃດເລີຍ. ຈົນເຖິງເມື່ອມີອາການສະແດງອອກ, ສູຂະພາບຂອງເຂົາກໍຊຸດໂຊມລົງຢ່າງໄວວາ.

ຈາກນັ້ນ, ທຸກສິ່ງທຸກຢ່າງກໍຂີ້ຮ້າຍລົງຊັກໄຊ້ ເມື່ອພວກລູກໆຂອງເຂົາພ້ອມກັນຕິດເຊື້ອນຳແມ່ໄປຕາມໆກັນ. ເຂົາໄດ້ໂທສາຍຫາເພື່ອນຄົນໜຶ່ງທີ່ມີປະສົບການ ເພື່ອຂໍຄວາມຊ່ວຍເຫຼືອໃນການຂ້າເຊື້ອໃຫ້ຄອບຄົວ. ເພື່ອນຂອງເຂົາເລົ່າວ່າ: “ຕອນນັ້ນພວກຂ້ອຍໄດ້ນຸ່ງຊຸດປ້ອງກັນເຊື້ອ ແລະ ໃສ່ໜ້າກາກປ້ອງກັນທາດເບື່ອ”.

ໃນຂະນະທີ່ຊ່ວຍຄອບຄົວອື່ນ, ຈຸຂອງ Matt Moreno ຕ້ອງໃຊ້ເຈົ້າໜ້າທີ່ພຽງ 3 ຄົນເທົ່ານັ້ນ, ແຕ່ສຳລັບຄອບຄົວຂອງ ນາງ Brittany Jencik ແລ້ວຕ້ອງໃຊ້ພະນັກງານເຖິງ 12 ຄົນ ເພື່ອທຳຄວາມສະອາດທຸກຢ່າງໃນເຮືອນພາຍໃນ 2 ຊົ່ວໂມງ, ໃນຂະນະນັ້ນທຸກຄົນໃນຄອບຄົວແມ່ນຢືນຖ້າຢູ່ເບື້ອງນອກ.

ໜຶ່ງເດືອນຕໍ່ມາ, ສະມາຊິກໃນຄອບຄົວທັງ 18 ຄົນມີສຸຂະພາບດີຂຶ້ນ ແລະ ກຳລັງກັກຕົວຢູ່ໃນເຮືອນ.

ໄລ່ມາເຖິງວັນທີ 18 ເມສານີ້, ນະຄອນ New York ຍັງເປັນສູນກາງຂອງການແຜ່ລະບາດເຊື້ອໄວຣັດຂອງສະຫະລັດ ຊຶ່ງມີຜູ້ຕິດເຊື້ອຫຼາຍກວ່າ 220.000 ກໍລະນີ, 14.000 ຄົນເສຍຊີວິດ. ປັດຈຸບັນທົ່ວສະຫະລັດມີຜູ້ຕິດເຊື້ອທັງໝົດ 700.000 ຄົນ 32.000 ຄົນເສຍຊີວິດ.