ປກສ ແຂວງບໍ່ແກ້ວສຶກສາອົບຮົມຜູ້ມົ້ວສຸມຢາບ້າ

ໃນວັນທີ 6 ມິຖຸນານີ້ພະ ແນກຕ້ານ ແລະ ສະກັດກັ້ນຢາ ເສບຕິດ ປກສ ແຂວງບໍ່ແກ້ວໄດ້ແກ້ໄຂ ແລະ ສຶກສາອົບຮົມພວກ ມົ້ວສຸມຢາເສບຕິດພາຍຫລັງຖືກ ດັດສ້າງມາໄລຍະໜຶ່ງ, ຢູ່ ປກສ ແຂວງ ໂດຍມີອຳນາດປົກຄອງ ບ້ານ, ຜູ້ປົກຄອງເຂົ້າຮ່ວມນຳ ດ້ວຍຮອງພະແນກຕ້ານ ແລະ ສະ ກັດກັ້ນຢາເສບຕິດ ປກສ ແຂວງ ດັ່ງກ່າວໄດ້ຍົກໃຫ້ເຫັນຜູ້ຖືກ ດັດສ້າງໄດ້ມີ ການກະທຳຜິດຕັ້ງ ກຸ່ມແກ້ງມົ້ວສຸມເສບຢາບ້າ ເຊິ່ງ ຖືກເຈົ້າໜ້າທີ່ກັກຕົວໃນວັນທີ   3 ພຶດສະພາຜ່ານມາ ແລະ ຜ່ານ ການສຶກສາອົບຮົມຂອງເຈົ້າໜ້າ  ທີ່ມາໄລຍະໜຶ່ງ ແລະ ເຫັນວ່າຜູ້ ຖືກດັດສ້າງມີເຊື່ອຟັງຕໍ່ການສຶກສາອົບຮົມຂອງເຈົ້າໜ້າທີ່,  ມີແນວຄິດປ່ຽນແປງ. ດັ່ງນັ້ນ, ທາງເຈົ້າໜ້າທີ່ຈິ່ງໄດ້ແກ້ໄຂ- ປ່ອຍຕົວ ແລະ ສຶກສາອົບຮົມໃຫ້ແກ່ຜູ້ຖືກດັດສ້າງຮູ້ໄດ້, ຜົນຮ້າຍ ແລະ ໄພອັນຕະລາຍຂອງຢາເສບຕິດມີຈິດສຳນຶກ, ເຊື່ອມຊຶມ, ແນວທາງນະໂຍບາຍຂອງພັກ,   ກົດໝາຍ ແລະ ຂໍກຳນົດກົດລະ ບຽບຕ່າງໆຂອງບ້ານເມືອງຢ່າງເຂັ້ມງວດ, ເປັນເຈົ້າການເຂົ້າຮ່ວມໃນການປ້ອງກັນສະ ກັດກັ້ນ ແລະ ແກ້ໄຂປະກົດການ ຫຍໍ້ທໍ້ທີ່ອາດຈະເກີດຂຶ້ນຢູ່ໃນສັງຄົມເປັນຕົ້ນແມ່ນບັນຫາຢາເສບຕິດ, ຂີ້ລັກງັດແງະ, ການກໍ່ອາລະວາດຕີກັນ, ການທີ່ບໍ່ເຄົາລົບ ລະບຽບກົດໝາຍ ແລະ ອື່ນໆ ໃຫ້ໝົດໄປ.

+ ປກສ ແຂວງອຸດົມໄຊຈັບຜູ້ຄ້າຢາເສບຕິດຫລາຍລາຍ

+ ຕຳຫລວດບໍ່ແກ້ວຈັບເຄືອຂ່າຍຢາເສບຕິດຂ້າມຊາດ