ສອນ ເລື່ອງເງິນໆ ຄຳໆໃຫ້ລູກແຕ່ເວລາຍັງນ້ອຍແມ່ນດີ

ລູກເມືອງພວນ

ກ່ອນທີ່ຈະກາຍເປັນ CEO ຂອງທ່ານ Berkshire Hathaway ນັກລົງທຶນທີ່ເປັນເລື່ອງນິຍາຍນັ້ນ ເຂົາໄດ້ເລີ່ມດຳເນີນທຸລະກິດມາແຕ່ເວລາຍັງນ້ອຍ.

ເມື່ອອາຍຸໄດ້ປະມານ 5-6 ປີ, ເຂົາໄດ້ຊື້ເອົາປ໋ອງນໍ້າຫວານ ໂຄກ 6 ປ໋ອງໃນລາຄາ 25.000 ກີບ, ຫຼັງຈານັ້ນເຂົາເອົາໄປຂາຍຍ່ອຍເປັນແຕ່ລະປ໋ອງໄປ, ນອກຈາກນັ້ນເຂົາຍັງຂາຍໜັງສືພິມ, ວາລະສານ ແລະ ເຂົ້າໜົມໃຫ້ກັບເພື່ອນໆຮ່ວມຮຽນນຳກັນອີກດ້ວຍ.

ໃຫ້ສຳພາດຕໍ່ CNBC ເມື່ອປີ 2013, Buffett ໃຫ້ຮູ້ວ່າ: “ພໍ່ເປັນກຳລັງໃຈທີ່ໃຫ່ຍຫຼວງທີ່ສຸດສຳລັບຂ້ອຍ. ຂ້ອຍໄດ້ບົດຮຽນການປະຢັດເງິນຈາກເພີ່ນມາແຕ່ເວລາຍັງນ້ອຍພຸ້ນ, ນັ້ນຄືບົດຮຽນທີ່ສຳຄັນທີ່ສຸດ”

ເມື່ອຖືກຖາມວ່າ, ທ່ານຄິດວ່າ ແມ່ນບັນຫາໃດທີ່ເປັນອຸປະສັກໃຫ່ຍທີ່ສຸດຂອງຜູ້ປົກຄອງໃນເວລາສອນພວກໃຫ້ລູກເລື່ອງເງິນໆທອງໆ? ທ່ານຕອບວ່າ: “ຜູ້ປົກຄອງສ່ວນໃຫ່ຍແມ່ນຖ້າໃຫ້ລູກໃຫ່ຍເປັນບ່າວເປັນສາວແລ້ວຈຶ່ງຄ່ອຍສອນເລື່ອງການຄຸ້ມຄອງ ແລະ ບໍລິຫານການເງິນໃຫ້ພວກເຂົາ ແມ່ນຫຼ້າສວາຍເກີນໄປແລ້ວ, ພວກເຮົາອາດແນະນຳໃຫ້ພວກເຂົາຮູ້ແຕ່ເວລາໄວອານຸບານພຸ້ນ”

ບັນດານັກວິທະຍາສາດໃຫ້ຮູ້ວ່າ ສະໝອງຂອງເດັກຈະມີຄວາມສົມບູນແບບພຽງ 80% ເທົ່ານັ້ນເມື່ອອາຍຸໄດ້ 3 ປີ ແລະ ພວກເຂົາອາດມີຈິດສຳນຶກກ່ຽວກັບເລື່ອງເງິນໆທອງໆໄດ້ໃນໄວອາຍຸ 3-4 ປີ ແລະ ຄວາມສຳນຶກດັ່ງກ່າວຈະຖືກພັດທະນາຂຶ້ນໃນເມື່ອອາຍຸໄດ້ 7 ປີ.

30% ຂອງພໍ່ແມ່ຜູ້ປົກຄອງ  ໄດ້ເລີ່ມສອນໃຫ້ລູກໆຮູ້ຈັກກ່ຽວກັບເລື່ອງເງິນໆ ທອງໆ ແລະ ວິທີການບໍລິຫານມັນເມື່ອພວກເຂົາມີອາຍຸໄດ້ 15 ປີຂຶ້ນໄປ, ສ່ວນ 14% ຂອງຜູ້ປົກຄອງແມ່ນບໍ່ທັນໄດ້ສອນໃຫ້ພວກເຂົາຮູ້ຈັກກ່ຽວກັບການບໍລິຫານການເງິນເລີຍ./.