ມຽນມາກວດພົບຜູ້ຕິດເຊື້ອ 2 ຄົນເດີນທາງມາຈາກອາເມລິກາ ແລະ ອັງກິດ

ປະເທດມຽນມາ ອອກຖະແຫຼ່ງການ ໃນວັນທີ 23 ມີນາ ທີ່ຜ່ານມາ,ໄດ້ກວດພົບ ຜູ້ຕິດເຊື້ອ ໂຄວິດ-19 ສອງຄົນທໍາອິດຂອງປະເທດ ແລະ ໄດ້ກວດເຊື້ອ ຜູ້ສົງໄສ ຕິດເຊື້ອໂຄວິດ 19 ທັງໝົດ ຈໍານວນ 214 ຄົນ ແຕ່ຜົນອອກມາເປັນລົບ.
ມາຮອດວັນທີ23 ມີນານີ້ ລັດຖະບານມຽນມາ ໄດ້ຢັ້ງຢືນວ່າ ຊາຍມຽນມາ ອາຍຸ 36 ປີ ທີ່ເດີນທາງກັບມາຈາກ ປະເທດ ອາເມລິກາ ແລະ ອີກຊາຍຄົນໜຶ່ງ ອາຍຸ 26 ປີ ເດີນທາງມາຈາກ ປະເທດອັງກິດ, ທັງສອງໄດ້ຮັບການກວດເຊື້ອ ໂຄວິດ-19 ແລະ ຜົນອອກມາເປັນບວກ.

ຈາກຜົນການກວດດັ່ງກ່າວ ເຮັດໃຫ້ຊາດອາຊຽນ ທີ່ຕິດເຊື້ອ ໂຄວິດ-19 ເພີ່ມຂຶ້ນເປັນ 9 ປະເທດ ແລະ ສປປ ລາວ ເປັນປະເທດດຽວ ໃນອາຊຽນ ທີ່ຍັງບໍມີລາຍງານ ຜູ້ຕິດເຊື້ອໂຄວິດ19.

Cr.Mmtime.com