IBF ອະນຸຍາດໃຫ້ ຄລິດໂກ ລ້າງຕາກັບ ໂຈຊົວ
ສະຫະພັນມວຍນາໆຊາດ ຫຼື (IBF) ອະນຸມັດໃຫ້ ແອນໂທນີ ໂຈຊົວ ແຊ໊ມໂລກຮຸ່ນ ເຮຟວີເວດ ຄົນ ອັງກິດ ຂຶ້ນຊົກປ້ອງກັນຕຳ ແໜ່ງກັບ ວະດິເມຍ ຄລິດໂກ ນັກ ມວຍຄົນ ຢູເຄຣນ ເປັນທີ່ຮຽບ ຮ້ອຍແລ້ວ ເຊິ່ງຈະເປັນຄັ້ງລ້າງ ຕາ ຫຼັງ ຄລິດໂກ ຫາກໍເສຍນ໊ອກ ໃຫ້ ໂຈຊົວ ໃນຍົກທີ 11 ໃນການ ຊົກທີ່ສະໜາມເວມບລີ ໃນນະ ຄອນຫຼວງລອນດອນ ປະເທດ ອັງກິດ ໃນວັນທີ 29 ເມສາຜ່ານ ມາ.
ກ່ອນໜ້ານີ້ “ແມດຣູມ ບ໊ອກ ຊິງ” ເຊິ່ງເປັນຕົ້ນສັງກັດຂອງ ໂຈ ຊົວ ໄດ້ຍື່ນຂໍອະນຸມັດໃຫ່້ມວຍຄູ່ນີ້ ໄດ້ຊົກຄັ້ງລ້າງຕາກັນກ່ອນທີ່ ໂຈ ຊົວ ຈະຕ້ອງຂຶ້ນຊົກປ້ອງກັນຕຳ ແໜ່ງຄັງບັງຄັບກັບ ຄູບຣາດ ປູ ເລຟ ຜູ້ທ້າຊີງອັນດັບ 1 ຄົນ ບັລ ແກເຣຍ ເຊິ່ງທີ່ປະຊຸມຂອງ IBF ໄດ້ໃຫ້ການອະນຸມັດເປັນທີ່ຮຽບ ຮ້ອຍແລ້ວ ແຕ່ມີເງື່ອນໄຂວ່າທັງຄູ່ ຊົກກັນໃນວັນທີ 2 ທັນວາ ນີ້ ແລະ ຜູ້ຊະນະຈະຕ້ອງເປີດເສິກກັບ ປູ ເລຟ ໃນຄັ້ງຕໍ່ໄປທັນທີ.
ດ້ານ ເອັດດີ ເຮິນ ຜູ້ຈັດການ ສ່ວນໂຕຂອງ ໂຈຊົວ ເຜີຍວ່າເວ ລານີ້ມີຂໍ້ສະເໜີຈາກສະຖານທີ່ ຕ່າງໆທົ່ວໂລກທີ່ຕ້ອງການເປັນ ເຈົ້າພາບຈັດການຄັ້ງລ້າງຕາ ຂອງມວຍຄູ່ນີ້ ຫຼັງຈາກຄັ້ງທຳອິດ ທັງຄູ່ມີຜູ້ຊົມເຂົ້າໄປຊົມການຊົກ ໃນສະໜາມເວມບລີກວ່າ 90. 000 ຄົນ ໂດຍກ່າວວ່າ: “ເຮົາໄດ້ ຮັບຂໍສະເໜີຫຼວງຫຼາຍ ທັງຈາກ ໄນຈີເຣຍ, ດູໄບ, ອາເມຣິກາ ແລະ ມັນມີໂອກາດທີ່ມວຍຄູ່ນີ້ຈະຊົກ ກັນທີ່ເມືອງຄາດິຟ ໃນເວລ ເຊັ່ນ ດຽວກັນ”.
