ສະຫະລັດສະເໜີແຈກເງິນ ປະຊາຊົນຄົນລະ 1.000 ໂດລາສະຫະລັດສຳລັບເດັກນ້ອຍແມ່ນໄດ້ 500 ໂດລາສະຫະລັດ
ຫລັງຈາກຍີ່ປຸ່ນສະເໜີແຈກເງິນໄປມື້ຕໍ່ມາສະຫະລັດເປີດເຜີຍແຜນການທີ່ຈະແຈກເງິນ ໃຫ້ປະຊາຊົນຄືກັນ ທ່ານ ສະຕີເວນ ນິວຊິນ ລັດຖະມົນຕີກະຊວງການເງິນ ຂອງສະຫະລັດສະເໜີແຜນແຈກເງິນໃຫ້ປະຊາຊົນໂດຍກົງຄົນລະ 1.000 ໂດລາສະຫະລັດ ສຳລັບຜູ້ໃຫຍ່ ແລະ ແຈກໃຫ້ເດັກນ້ອຍຄົນລະ 500 ໂດລາສະຫະລັດ, ພາຍໃນເວລາ 3 ອາທິດ ຖ້າລັດຖະສະພາລັດສະໜັບສະໜູນແຜນການນີ້ “ ທ່ານປະທານາທິບໍດີມີຄວາມມຸ້ງໝັ້ນວ່າເຮົາຈະໃຫ້ການສະໜັບສະໜູນ” ທ່ານ ນິວຊິນ ກ່າວກັບສະຖານີໂທລະພາບ Fox Business
ແຜນການແຈກເງິນໃຫ້ຄອບຄົວປະຊາຊົນອາເມລິກາ ທຸກຄົນກຳລັງເລີ່ມໄດ້ຮັບແຮງສະໜັບສະໜູນ ໃນສະພາຄອງເກຣດ ເນື່ອງຈາກເປັນວິທີດີທີ່ສຸດໃນການໝູນເສດຖະກິດ ທີ່ໃກ້ຈະຢຸດສະງັກ ເພາະຜົນກະທົບຈາກການລະບາດຂອງໂຄໂຣນາໄວຣັສສາຍພັນໃໝ່.
ໃນເວລານີ້ປະຊາຊົນອາເມລິກາ ກຳລັງຢຸດການໃຊ້ຊີວິດປະຈຳວັນແບບເກົ່າ ເພື່ອຫລີກເວັ້ນການແຜ່ລະບາດຂອງໄວຣັສ ເຊິ່ງໝາຍເຖິງການຢຸດ ໄປຊື້ເຄື່ອງແບບປົກກະຕິ, ສ່ວນຕະຫລາດຮຸ້ນຍັງຕິດລົບຕໍ່ເນື່ອງ ດ່ັງນັ້ນຈິ່ງຕ້ອງອາໄສການກະຕຸ້ນການໃຊ້ຈ່າຍ ໂດຍລັດຖະບານຈະໃຊ້ວິທີແຈກເງິນເພື່ອໝຸນແຂ້ວເຟືອງເສດຖະກິດ ໃຫ້ຂັບເຄື່ອນອີກນຽບຂາວ ຂໍໃຫ້ສະພາຄອງເກຣດ ເພີ່ມເງິນອີກ 1,3 ຕື້ໂດລາສະຫະລັດ ໃນຈຳນວນນີ້ຈະເປັນເງິນສົດທີ່ແຈກໃຫ້ປະຊາຊົນ 500.000 ລ້ານໂດລາສະຫະລັດ ສ່ວນອີກ 50.000 ລ້ານໂດລາສະຫະລັດ ຈະໃຫ້ສາຍການບິນທີ່ປະສົບບັນຫາກູ້ຢືມ ແລະ 150.000 ລ້ານໂດລາສະຫະລັດ ຈະຊ່ວຍໝູນພາກທຸລະກິດທີ່ໄດ້ຮັບຜົນກະທົບຢ່າງໜັກຈາກວິກິດນີ້./.
