ແຕກຕື່ນກັນທັ້ງສະໂມສອນ..! “ອະລາເບສ” ຖະແຫຼງພົບນັກເຕະ ແລະ ທີມງານຄູຝຶກຕິດເຊື້ອໄວຣັສ ໂຄວິດ-19 ລວມກັນ 15 ຄົນ

    ສະໂມສອນບານເຕະ ອະລາເບສ ທີມດັງໃນ ລາລີກາ ແອດສະປາຍ ອອກມາຖະແຫຼງຢືນຢັນວ່າ: ຫຼັງຈາກທີ່ໄດ້ຮັບຜົນກວດຈາກແພດເປັນຜົນບວກ ມີນັກເຕະ ແລະ ທີມງານຄູຝຶກ, ຕິດເຊື້ອໄວຣັສໂຄວິດ-19 ລວມກັນເຖີງ 15 ຄົນ, ໂດຍແບ່ງເປັນນັກເຕະຊຸດໃຫຍ່ຂອງທີມ 3 ຄົນ ຄະນະຄູຝຶກ 7 ຄົນ ແລະ ພະນັກງານຂອງສະໂມສອນ 5 ຄົນ

            ພ້ອມດຽວກັນນັ້ນ ທາງສະໂມສອນໄດ້ອອກນະໂຍບາຍ ເຖີງຄວາມຮັບຜິດຊອບ,ທຸກຄົນທີ່ຕິດເຊື້ອໄວຣັສດັ່ງກ່າວ ປຽບເໝືອນດັ່ງກັບບຸກຄົນໃນຄອບຄົວ ແລະ ພ້ອມກັກຕົວ,ຮັກສາ, ເພື່ອບໍ່ໃຫ້ເຊື້ອໄວຣັສໄດ້ແຜ່ລະບາດສູ່ຄົນອື່ນໆ

    ສຳຫຼັບ 15 ຄົນທີ່ຕິດເຊື້ອໄວຣັສດັ່ງກ່າວ ໃນຂະນະນີ້ທັງໝົດບໍ່ມີອາການໃດໆ ສະແດງອອກມາ ແລະ ຍັງແຂງແຮງດີ ແຕ່ເຖີງຢ່າງໃດກໍ່ຕາມທາງສະໂມສອນຈະຮັບຜິດຊອບປິ່ນປົວຮັກສາໃຫ້ຫາຍດີ.