FIFA ບໍລິຈາກ 10 ລ້ານໂດລາໃຫ້ WHOຊ່ວຍຕອບໂຕ້ເຊື້ອໄວຣັສ COVID-19
March 18, 2020 - 6:12 PM
ສະຫະພັນບານເຕະນາໆຊາດ ຫລື FIFA ຮ່ວມບໍລິຈາກເງິນ 10 ລ້ານໂດລາສະຫະລັດ ໃຫ້ແກ່ອົງການອານາໄມໂລກ (WHO) ເພື່ອເປັນທຶນຊ່ວຍຕໍ່ສູ້ກັບການລະບາດຂອງເຊື້ອໄວຣັສ COVID-19 ທີ່ສົ່ງຜົນກະທົບຢ່າງຮ້າຍແຮງຕໍ່ຊີວິດການເປັນຢູ່, ເສດຖະກິດ-ສັງຄົມ ແລະ ຫຼາຍຂົງເຂດໃນທົ່ວໂລກ.
ທ່ານ ຈານນີ້ ອິນຟານຕິໂນ້ ປະທານສະຫະພັນບານເຕະນາໆຊາດໄດ້ກ່າວວ່າ: “ FAFI ມີກອງທຶນບານເຕະເພື່ອຊ່ວຍເຫຼືອສັງຄົມ ແລະ ຊາດສະມາຊິກ ໃນຍາມຄັບຂັນ ດັ່ງນັ້ນພວກເຮົາທຸກຄົນຕ້ອງສະແດງຄວາມສາມັກຄີ, ຄວາມຮັບຜິດຊອບ ແລະ ໃຫ້ການຊ່ວຍເຫລືອເຊິ່ງກັນ ແລະ ກັນ ເພື່ອຜ່ານຜ່າວິກິດໄປພ້ອມກັນ ”
ປະຈຸບັນ ຍອດຜູ້ຕິດເຊື້ອພະຍາດ ໂຄວິດ-19 ເພີ່ມສູງຂຶ້ນເຖິງ 198,000 ກວ່າຄົນ ໃນ 160 ກວ່າປະເທດ ແລະ ເຂດແຄວ້ນໃນໂລກ ໃນນີ້ເສຍຊີວິດແລ້ວ 7900 ກວ່າຄົນ.
