ລາວຈະຈັດມາດຖານແຫລ່ງທ່ອງທ່ຽວໃຫ້ເປັນຈຸດສຸມ

ລັດຖະບານຈະພັດທະນາແຫລ່ງທ່ອງທ່ຽວໃຫ້ເປັນຈຸດສຸມໄດ້ມາດຕະຖານການທ່ອງທ່ຽວລະດັບຊາດ, ແຂວງ ແລະ ເມືອງ ເພື່ອສາມາດດຶງດູດນັກທ່ອງທ່ຽວ ແລະ ຈະກໍານົດເອົາທົ່ວປະເທດ 23 ແຫ່ງຂອງແຫລ່ງທ່ອງທ່ຽວເປັນບູລິມະສິດໃນການພັດທະນາ ແລະ ແຕ່ລະ ແຂວງກໍານົດເອົາ 20 ແຫ່ງເປັນຈຸດສຸມພັດທະນາຮອດປີ 2020. ປັດຈຸບັນສະຖານທີ່ທ່ອງ ທ່ຽວຂອງລາວມີ 1.900 ກວ່າ ແຫ່ງ, ມີທັງສະຖານທີ່ທີ່ໄດ້ຮັບ ການພັດທະນາ ແລະ ຍັງບໍ່ທັນ ໄດ້ຮັບການພັດທະນາ.

+ ລາວ-ຈີນຫາລືການຮ່ວມມືທາງດ້ານການທ່ອງທ່ຽວ

+ ທ່ຽວຊົມຕາດຫີນຄັນນາ ແລະ ຕາດຊອນ

+ ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

ຮອງຫົວໜ້າກົມພັດທະນາການທ່ອງທ່ຽວໃຫ້ຮູ້ວ່າ: ປັດຈຸບັນລັດຖະບານກໍຄືພາກສ່ວນກ່ຽວຂ້ອງ ໄດ້ກະກຽມສ້າງແຜນໃນ ການຈັດແຫລ່ງທ່ອງທ່ຽວເປັນບູລິມະສິດໃນການຄຸ້ມຄອງແຕ່ຂັ້ນສູນກາງລົງຮອດທ້ອງຖິ່ນເພື່ອເລັ່ງໃສ່ປັບປຸງແຫລ່ງທ່ອງທ່ຽວໃຫ້ໄດ້ມາດຕະຖານ ແລະ ມີຄຸນນະພາບ, ຜ່ານມາການນໍາຂອງແຕ່ລະແຂວງກໍໄດ້ເຊັນຮັບຮອງເຫັນ ດີໃຫ້ມີການກໍານົດຢ່າງຈະແຈ້ງລະ ຫວ່າງຂັ້ນສູນກາງ ແລະ ທ້ອງຖິ່ນບໍ່ວ່າຈະເປັນແຫລ່ງທ່ອງທ່ຽວທາງທໍາມະຊາດ, ວັດທະນະທໍາ ແລະ ປະຫວັດສາດເພື່ອພັດທະນາ ເປັນແຫລ່ງທ່ອງທ່ຽວແບບຍືນຍົງ.

ໃນແຕ່ໃດມາລັດຖະບານເຮົາໄດ້ເຫັນຄວາມສໍາຄັນຂອງວຽກງານການທ່ອງທ່ຽວ, ເຊິ່ງຖືເປັນໜຶ່ງໃນ 14 ວຽກງານບູລິມະສິດ ຂອງລັດຖະບານ ແລະ ໄດ້ຍົກສູງຄຸນຄ່າທາງດ້ານວັດທະນະທໍາ ແລະ ການປົກປັກຮັກສາມໍລະດົກແຫ່ງຊາດຄື: ການປະຕິສັງຂອນ ຫໍພະແກ້ວ, ວັດສີສະເກດ, ພະທາດຫລວງ ແລະ ອື່ນໆ ເພື່ອໃຫ້ສັງຄົມກໍຄື ນັກທ່ອງທ່ຽວໄດ້ສືບຕໍ່ຮຽນຮູ້ ແລະ ຊື່ນຊົມວັດທະນະທໍາ ແລະ ມໍລະດົກອັນລໍ້າຄ່າດັ່ງກ່າວ.